Tunlai chu Municipal Election avang hian ka buai khawp a, duh angin ka up to date theilo, pawi ka va ti tak em.. A ni lah taka han buai viau mai pawh hi engemaw chenah chuan awm awl ai chuan nuam ve phian reuh a nia. Nilenga patlinga pumpa hna thawk miah lo a han awm nilen zak hi chu thenawm khawvengte an zahawm duh khawp mai, "vawiin enge i thawh dawn" an han tia, "eng vak mah ka tilo ang" han tih tlawng zel thin te hi thil zahthlak tak chu a lo ni, kan lo chhut chianglo mai mai pawh a.
Chanchinbute kan han chhiar a, mi ramin hna an lo thawh nasat zia leh ram an hmangaihzia han chhiar changte hian keini India hmarchhak kila vai resawn ringa awm tan chuan mak han tih loh rual a ni lo. Keimahni tawk te teah kan lo inla lian ve em em ringawt mai leh nghal a, Silchar vai pawh hnathawh leh taimakah kan tluk mang si lova; a zahthlak teh e.
Ziahzawm zel pawh a chak awm khawp mai, mahse hetianglam sawi hi chuan mi pawi kan sawi ang tih a hlauhawm thin si a, pawisawi hma in duhtawk phawt mai ang..........
Subscribe to:
Posts (Atom)
