Lenny-a & David-a ten an chhawr tangkai ngei ka beisei!

 

CREATING 3D PHOTOGRAPHS USING A SINGLE CAMERA IS QUITE SIMPLE, AND WE SHOW YOU HOW YOU CAN CREATE YOUR VERY OWN 3D ANAGLYPH PHOTOS USING A SIMPLE UTILITY.

Hmanni Chanchinbua thlalak pakhat an rawn tih lan Excise Office-a “Zu a awm lo tak tak” tih intar ka hmuh khan he thu hi ka rilruah a lang thar riau a, rawn au chhuahpui leh ngawt mai ila a tha awm e.

Zu chungchangah hi chuan thuthlukna felfai siam a har teh e, inhnialna tawp thei lo a ni reng dawn zawng a nih hi. Total Prohibition hmanna hmuna Zu permit neite hian doctor lehkha neiin an taksa tana thil tha a nih avangin zu inphalna pek an ni thin ngei mai. Hei hi anmahni doctorate ngeiin an sawi thin anga nitin zu tlem (Note:- Hei hian zu in tam a kawk lo, tlem te tak meuh meuh a ni) in hian lung natna, a bikin Ischemic Heart Disease- Lunga thisen zam zim emaw ping a veng thei nia an hmuhchhuah vang leh a vei tawhte tan pawh a zual tur veng thei ni awma a lan vanga chawh/ rawn an ni tlangpui. Kala lungte awm vanga Beer in tura tih an awm bawk maithei. Hemi natna pahnih tih lohah chuan zu in tura doctor ten an chawh ngai ka hre lem lo.

LPS-in Zotalk programme-ah Total Prohibition chungchanga live debate an buatsaih kha ka lo en ve a, a manhla hle. Zu chungchang ziahna article chanchinbu hrang hrangah leh internet lam atang ten ka lo chhiar ve zel a. Vawi tam tak, “Total Prohibition avangin Mizoramah zu tha lo a tam phah,” tih thu hmuh tur a awm. He thu ka hriat apiang hian, “Zu tha a awm a mi?” tih hi min ngaihtuah tir a. Zu tih tak nan emaw a in te an ruih hma nana a zuartute emaw, a sa tuten emaw thil dang an pawlh hi zu tha lo/zu chhia kan tih ber chu niin a lang. Hetianga, zu-a thil dang pawlh hi a tha lo teh meuh mai. Mahse, eng anga zu man to leh changkang, thil dang pawlh miah loh pawh ni se; kan taksa, rilru leh pawn lam nun thlenga a tihchhiat theih dan hriatchian chuan zu tha hi a lo awm lo. Engtik hunah emaw chuan Total Prohibition hi hlih a la ngai ngei ang. Chutiang hun a lo thleng a nih pawhin a nihna dik tak kan hriat a, in lo thei tura inven nachang kan hriat hi a la pawimawh dawn chauh.

Kan hre nual tan ta Municipal Council chu. Khawpui lianah Municipal Cor­poration, khawpui te deuhah Muni­cipal Council leh Municipal Board - heng hi India ram khawpui enkawltu turte chu an ni.

Tichuan Aizawlah chuan a mihring cheng zatin pha chiah lo mahse Municipal Council chu kan nei dawn a ang ta viau a ni. Aizawl Municipal Act-ah hian 33% women reservation telh a ni a, hei hi ka hriatsual loh chuan India rama women reservation hmang hmasaber tur kan ni ta tihna a ni.

Vanglaini Ni 18/08/2010 (Nilaini) a 33% Women Reservation chungchang "Aizawl Nula" intiin a rawn ziah kha ka lo chhiar ve a. Municipal hnuaia Women Reservation chungchang a hriat fiah loh avangin thudik mipuite hnena puanchhuah vat tulin ka hria a ni.

Aizawl Municipal Act a awm lova, The Mizoram Municipalities Act, 2007 tih zawk tur a ni. He Act-ah hian a tirah chuan Women Reservation a lang lova, amaherawhchu, 74th Constitutional Amendment Act, 1992 (74th CCA) in a phut tlat angin he Act Amendment 2009-ah hian Section 13 (9) ah seat zawng zawng hmun thuma thena hmun khat chu hmeichhe tan reserved a ni ta a ni. He Women Reservation hi Municipal tam berin an lo hmang daih tawh a, India ramah a hmang hnuhnung ber pawl kan ni dawn zawk a ni. India sawrkarin a buaipui mek Women Reservation, Rajya Sabha-in an passed tawh, Lok Sabha-a la pass loh nen hian ngaih pawlh loh tur a ni. He reservation hi chu Par­lia­ment leh State Legislature atan a ni. Municipal atana 1/3rd reservation for Women tih hi chu 1992 ah daih tawh khan Parliament In hnihah passed lo ni tawhin, Municipal Corporation/ Council-ah hman vek tawh zawk a ni.

 “A hmingah chuan Maka, Buaina hnar, Zu thupna, Drugs thupna, tleirawl leh rawltharte, nula tlangvalte bakah nutling patlingte nun hruai khawlotu an la ti dawn si a” han ti mai ila chu sawrkar pawi emaw, Champhai leh Hnahlan tlang dunga thawhrim rah sengtute pawi emaw kan sawi reu reu palh ang tih a hlauhawm sia. Chuvangin, a hming atan “Zawlaidi” an tih tak Grape wine chungchang hi ka han zeldin thubawl kual mai mai teh ang.

Hmanlai thawnthuah chuan Zawlaidi avanga inngaizawng ta leh Zawlaidi avanga buai­na tawkte chanchin kan hre nual a. Chung zingah chuan Pangzawl nula, khual­kai khawpa hmeltha Chawngvungi leh tlang thanpui tham khawpa hmelchhia Sawngkhara te chanchin pawh kan hria a. Khati khawpa hmeltha Chawngpuii, hmelchhe hmingthang Sawnga zuna uai tirtu kha “Zawlaidi” ngei a nih kha.

Hmanah kha chuan MLTP Act hlau ru chungin saranga fun sawl it etin an zuar sen ling liang a, mi huana an ruk pawh ni lo, anmahni kut kawih leh hah taka a hmun siama an thar chhuah, chawl telh hauh lova an grape tui sawr, Hnahlan atanga an rawn ken kha an MLTP Act dan angin an mansak a, kut hna rim taka an thawh rah an seng chu jail bang zut phah nan an hmang ta a nih kha. Mahni thar chhuah ngei grape rah-bawr an zawrhin an man lo va, a tui an zawrh avangin man an ni zawk, kei engmah ni lo hian ka lo khawngaih vein ka lo manganpui a. 

Aizawl Municipal Council inthlang turin sorkar leh mipui kan inpuahchah mek a. Inthlanna kan neiha Dan anga Municipal sorkar a lo din tawh chuan, thil pawimawh tak tak a mamawh nghal dawn a, chutiang thil lo ruahman lawkna tur kawng tam tak chu Municipal Dan hian state sorkar tih tur, ruahman tur leh ngaihtuah lawk turah a dah hlawm a. Entirna ang rengin thil thenkhat han tarlang ila, heng kawngah te hian state sorkar hian a tih tur a tiin a ruahman tur a ruahman lawk em tih, Municipal Dan chhung atangin i han thlir teh ang. State sorkar kan tih hian mi tam takin CM Pu Hawla hruai Congress sorkar hi an kawhtir bik thei a, tunah hi chuan anniho bakah sorkar pumpui, Department tin leh Officers ho pawh hmer vekin kan sawi dawn a ni.

Hman ni mai khan Hnahlan leh Champhai vela kan unau kut hnathawka grape huan siamtuten an grape chin a tuia man sang zawka an hralh theih nana Mizorama Zu Khapna dan, MLTP Act, 2007 kuma an siam that tak thu leh a Rules pawh 2008 kuma an siam thu kan sawi tawh a.

Grape huan sawi taka zarah chuan, kan hla pakhat, Ngai rawh Lalpan a grape huanah rah seng turin min ko, Lo buh sengtute an tlem vangin, Buhte a ngui zo ta, tih hi mak in ti ve em? Grape huana buh seng tura han koh tak tlat chu, Hnahlan vela an grape huanah buh seng tur a tam hmel loh. Lalpan grape huana grape rah lova seng turin min ko ta se, a mak lo vang a, lo-ah buh seng turin min ko se a mak hek lo vang; grape huana buh seng tura min koh tlat hi mak ka ti deuh, grape khan buh a dip chhe duh awm!

EVMs hi paper back-up nena hman kawp hi khawvel pumpuiin an pawm dan tlangpui a ni a, engatinge Election Commission of India hian a pawm ve duh loh le?

India rama inthlannaa booth-capturing awm thin tih bo beiseia EVMs hi hman a ni a. Mahse tuna kan hman danah hi chuan beisei ang aiin a buarchuar zawk mah emaw ni chu aw a tih theih. Chu mai bakah Information Technology Act, 2000 dan zam anga hman a ni chiah lo bawk. EVMs hmanga sawrkar tur kan thlan tlin hian sawisel/rinhlelh kaia sawi a awm fo ta mai. Tin, Election Commission of India (ECI) hian hleih neih vangin EVMs hi a fak tlat em ni chu aw tih zawhna pawh a awm thei ta hial mai.

Tlumtea thlir taka kan thlir thin, engtikah nge kan Mizoram sorkar hian Decentralisation of Power hi a hman thiam ve ang aw ..... kan tih a, kum 15 tal tap kan lo nawr tawh chu, tunah a taka hman tura chhawp a lo ni ta hi, kan lawm takzet a, Aizawl mipuite kan lawmpui che u a ni.

He India Constitution 74th Amendment phei hi chu Option awm hauh lo, 1993 atanga hman tawh tur kha a ni a, kum 20 dawn lai chu kan khawtlai a. Kan sawi mawi hluai thin a, sorkarna kan lak chuan kan thuneihna semzai lam chu kan ui leh hle a ni. Amah kan Minister zahawmtak, Pu Lalsawta thuhla takin, "Pa berin nu eirawngbawlna tur hmun choka kha endikin rel sela, aieng thlak zat tur, chi al zat tur, chhum tur relsak vek sela, nuber tan a buaithlakin inchhungkhur rorel a buai ngei ang. New York Trade Centre tihchhiat a nih khan, USA President George Bush a lang tam lo, New York Mayor-in a tifel mai a ni," a tih thin ang a ni a. Centralisation of Power hi a nih dan tur emaw kan ti a, Aizawl khawpuiah kan buai tawk hle thin a. State Minister meuh khan Aizawl khawchhung kan bih kual a, culvert hnuai kan bih a, bawlhhlawh leh hnawk paih dan tur kan rel a, leimin leh in chhia kan buaipui a. Tunah chuan Municipal Council-in a tifel vek tawh ang a, State Minister tan thachhang dawltu, phur chhawktu tha tak an nih kan beisei.

Kum 2007 daih tawha MLTP (Mizoram Liquor Total Prohibition) Act 1995 siam that (ammend) tura sorkarin draft a siam, MKHC hnenah hemi kum May 23 a zirchiang tura an tih, MKHC-in ngaihdan an thehluh hmaa sorkarin a dan siam that a pass khalh tak daih thu chu Vanglaini September 10 chhuakah tihlan a ni a. Grape wine siam chhuah tum mekah MKHC chu sorkarin a rawn loh thute kan hmu bawk a ni.

"Chhe heu, kan heti leh dawn ta pek a ni maw?" tih chu tun thla bula Champhai-a grape wine (Zawlaidi ti-a sorkar hotute’n an vuah tak) siam chhuahna ‘Winery’ kan tlawh tuma ka rilru-a lo lang hmasa ber a ni. Lu ti hai thei dek dek tawh chu khap emaw na taka khuahkhirh emaw duhtu, mi tlemte, mahse, kan khawtlanga thuneihna chelh ve tlat thinte duh dan a chungnung leh ta tih hrilhlawk turin Zawlnei Isaia emaw Pastor Chhawna emaw nih a ngai lo tih chu ka hriatna a rei ve tawh mai.

Chumi piahah chuan mulu­kawlhin saruang awmna an hre thei em em a, an kil nghal luai luai thin tih pawh sorkar department ho hawiherah a lang a, chhiah lakna atana an it rualin thuneitu nih pawh an inchuh nasa ngial mai.

Aizawl Municipal Council i din ang le

1. Ka tan chuan Aizawl hi khawvela khaw pawimawh ber a ni. Kei leh ka chhungte chenna khua ‘home’ a ni. Ka tu leh fate tan an inpui awmna a nih avangin an tan pawh a pawimawh. Keini chhungkua tan chuan Aizawl hi New Delhi, London, New York te aiin a pawimawh. Mizoram state capital a ni a, Zoram inrelbawlna zawng zawng awmna khua hi a pawimawh a ni.