Kum 2007 daih tawha MLTP (Mizoram Liquor Total Prohibition) Act 1995 siam that (ammend) tura sorkarin draft a siam, MKHC hnenah hemi kum May 23 a zirchiang tura an tih, MKHC-in ngaihdan an thehluh hmaa sorkarin a dan siam that a pass khalh tak daih thu chu Vanglaini September 10 chhuakah tihlan a ni a. Grape wine siam chhuah tum mekah MKHC chu sorkarin a rawn loh thute kan hmu bawk a ni. MKHC ten sorkarin min rawn lo an tih chhung hian grape wine alcohol sang tak pai ‘zawlaidi’ an tih chu hralh mai theih turin Hnahlan leh Champhai lam chu an inpeih tawh a nih hmel a. Hetih lai hian MKHC te hian grape wine siam chungchangah a langa dodalna an neih thu hriat a ni bawk si lo va. Grape emaw kawlthei emaw atanga zu siam hi MKHC chuan tha a ti lo reng a, a dinna ngaiah ala ding reng tih thu kan hmu. Hei hi zu khap bur kan la duh tite tan chuan a tawk lo deuh niin a lang. Tuna zawlaidi wine hi chu Excise ho sawi danin zu chiah chiah a ni tih hi MKHC te hian an hre pha bik lo a nih hmel hle. Zu khapna chungchangah hian MKHC hi mipuiin hma hruai tura kan en berte an ni a, an chungah beiseina pawh kan nghat nasa a ni.
Tunah chuan a nih nih ang a ni zo tawh a. MLTP Act her danglamin wine (zu) kan hralh chhuak tep a ni ta mai a. Kristian rama keimahni zu siam chhuah ngei hralh chhuaka kan thalai leh insum thei lote rui hum hum mai tur hi chu hmuh a chakawm lem loh khawp mai. Sorkarin kut hnathawktute hamthatna a ngaihtuah avanga hetianga grape wine (zu) siam ta hi kan ni a. Zu atang kher khera in khai chhuah kan tum hi a pawi hle a, hei lo kawng dang a awm si lo chu a ni bawk si. MKHC tan pawh sut leh tura aw neih chu a har tawh ang a, a tiha tih chi pawh a ni tawh hauh lo vang. Ngaihtuahna a buai map mai, “Vala lu a hai” tih ang vel a ni. Zawlaidi wine kan phalrai a nih chuan MLTP Act hmanga zu kan khap bur mai pawh hi hlih law law a tha ang. Winery siam chhung leh bultan nana tha leh zung an sen chhung zawng khan, MKHC pawh hei leh chen a lo ngawi tawh a, Zawlaidi wine a welcome em vang ni lovin, a lo muthlu palh pawh a ni mahna.
Hetih laiin MLTP Act ennawn tih thawm a lo awm reng bawk nen, sorkar pawh tu mitmei mah veng lem lova tha a tih ang chu kal pui tawp mai thei dinhmunah tunah hian a inhlang chho mek niin a hriat ta bawk. Kan khawpuiah wineshop te pawh tlar leh del dul ang hmiang tumah indem thei kan ni lo vang. Kohhran lam pawhin MLTP Act hlih dawnah MKHC chu sorkarin a rawn lo ti thawp leh set mai se.
Mizo zu in zingah, zu ruih hniamzia leh zahthlakzia hre lova pawngpawrh chak tak tak tam tak an awm a, hei hi zu kan thlah zalen loh vanga zu in thiam lo hnam kan nia ngai an awm bawk. Dik maw dik lo maw hriat a ni lo va, enchhin chak tam tak an awm bawk a, tumah in dem lovin, zu khap burna dan hi hlip ila, i in enchhin law law tawh mai ang u. Zu kan thlah zalen vang hian zu in kan thiam phah erawh chu ka ring lem lo.
Amaherawhchu, tun dinhmunah chuan duhthlan tur kan nei tlem tawh khawp mai. Zu thlah zalen hi a tihchi loh viau chuan, kum 4 kum 5 hnuah emaw a aia hma pawhin kan khap bur leh mai thei ang em?
Zu thlah zalen kan huam lo emaw kan duh lo takzet emaw a nih tak tak chuan, kawng khat thlan tur kan la nei. Tuna zawlaidi grape wine siam tur hi a bottle-ah “Not For sale in Mizoram” tih ziak se, Mizoram pawn state dangah thawn chhuak daih mai ila. A pawisa ber thingtlang kut hnathawktute kuta a luh tho chuan a tawk mai dawn lawm ni? Grape juice an tih, Hnahlan hovin hman atanga tuizema an um ang, Aizawlah pawh kan hmuh thin ang hian buaina a siam lo va, Mizote tan hetiang hi a tawk chauh a ni.
Mizote hian ruih theih thil, zu leh zuk leh hmuamah te mi dang mitmei venna chang kan la hre tawk lo em em a. Zu rui, mahni venga ualau taka buaina siam ngam khawpa inthlahrunna nei miah lo hi an tam em em bawk. Puipunnaah zu ruih zah pui lo an tam em em a, zahthlak a ni tih hre lo emaw hi an awm nawk mai. Heng bakah mahni inchhung khura tuan khur khur phei chu sawi sen pawh an ni lo vang chu. Zu in thiamna hi a darthlalang a awm a, chu chu mei zuk thiam atangin a ni.
Vairam leh India ram pawna tunlai ningkhawng hre deuh te chuan vantlang puipunna, office, restaurant etc ah te ualauva mei zuk an ching tawh lo, danin a phal loh a ni a, an zawm thiam em em a ni. Danin a phal lohna hmunah chuan duty an awm lo bawka tiin mei zu lui hram an awm ngai lo, anmahni leh anmhani an in pawisa tawn thiama mei zuk lohna tur hmunah chuan an zu lo mai a ni. Hetiang rilru pu a, mi dang mitmei ven thiamna rilru leh thinlung kan put phak hunah zu hi zalen takin kan la zuarin kan la thlah zalen thei ang chu. Chumi hma chuan MLTP Act hmanga zu khap bur hi Mizoram tan ala tha ber a. Tun dinhmuna, zu khap burna state Mizoramah hian zu duh duha hmuh tur a awm reng tho va zu khap burna dan hi a hlawhtling lo a ni tih hi thlah zalen ai chuan ala tha zawk fe thovin a rinawm bawk.
Zu khap burna dan kan neih hmate kha chuan zana inkhawm ngam lo, zu rui insual buai leh mi tihbuai ching hlau thinte kan ni an ti a ni lawm ni kha. Tunah chuan khatiang boruak kha a awm tawh lo va, rawn mawm chhuah a tum leh tan mek niin a lang. Naupang intih palh theih lakah nu leh paten chem hriam tak tak te naupang ban phak lohva an dah thin ang hian, mi rama hnawk lo zu hi Mizote tan chuan hnawksak a tling a, khuahkhirh hi chu a tha zawkin a rinawm tlat a ni.
Zawlaidi wine kan hralh chhuah dan hian kan Mizoram awmdan tur chu a la hril khawp ang. MLTP Act hmanga zu khap bur mai hi ka Mizo puite tan hian, thlah zalen ai chuan a la tha zawk tih hi ka han sawi duh a, mahse kan tlin ta ngang lo a nih erawh chuan inzirtirna
tha nena in umzui chu a ngai hle ang le.
- R.C.Zosangzuala, Venghlui
Tunah chuan a nih nih ang a ni zo tawh a. MLTP Act her danglamin wine (zu) kan hralh chhuak tep a ni ta mai a. Kristian rama keimahni zu siam chhuah ngei hralh chhuaka kan thalai leh insum thei lote rui hum hum mai tur hi chu hmuh a chakawm lem loh khawp mai. Sorkarin kut hnathawktute hamthatna a ngaihtuah avanga hetianga grape wine (zu) siam ta hi kan ni a. Zu atang kher khera in khai chhuah kan tum hi a pawi hle a, hei lo kawng dang a awm si lo chu a ni bawk si. MKHC tan pawh sut leh tura aw neih chu a har tawh ang a, a tiha tih chi pawh a ni tawh hauh lo vang. Ngaihtuahna a buai map mai, “Vala lu a hai” tih ang vel a ni. Zawlaidi wine kan phalrai a nih chuan MLTP Act hmanga zu kan khap bur mai pawh hi hlih law law a tha ang. Winery siam chhung leh bultan nana tha leh zung an sen chhung zawng khan, MKHC pawh hei leh chen a lo ngawi tawh a, Zawlaidi wine a welcome em vang ni lovin, a lo muthlu palh pawh a ni mahna.
Hetih laiin MLTP Act ennawn tih thawm a lo awm reng bawk nen, sorkar pawh tu mitmei mah veng lem lova tha a tih ang chu kal pui tawp mai thei dinhmunah tunah hian a inhlang chho mek niin a hriat ta bawk. Kan khawpuiah wineshop te pawh tlar leh del dul ang hmiang tumah indem thei kan ni lo vang. Kohhran lam pawhin MLTP Act hlih dawnah MKHC chu sorkarin a rawn lo ti thawp leh set mai se.
Mizo zu in zingah, zu ruih hniamzia leh zahthlakzia hre lova pawngpawrh chak tak tak tam tak an awm a, hei hi zu kan thlah zalen loh vanga zu in thiam lo hnam kan nia ngai an awm bawk. Dik maw dik lo maw hriat a ni lo va, enchhin chak tam tak an awm bawk a, tumah in dem lovin, zu khap burna dan hi hlip ila, i in enchhin law law tawh mai ang u. Zu kan thlah zalen vang hian zu in kan thiam phah erawh chu ka ring lem lo.
Amaherawhchu, tun dinhmunah chuan duhthlan tur kan nei tlem tawh khawp mai. Zu thlah zalen hi a tihchi loh viau chuan, kum 4 kum 5 hnuah emaw a aia hma pawhin kan khap bur leh mai thei ang em?
Zu thlah zalen kan huam lo emaw kan duh lo takzet emaw a nih tak tak chuan, kawng khat thlan tur kan la nei. Tuna zawlaidi grape wine siam tur hi a bottle-ah “Not For sale in Mizoram” tih ziak se, Mizoram pawn state dangah thawn chhuak daih mai ila. A pawisa ber thingtlang kut hnathawktute kuta a luh tho chuan a tawk mai dawn lawm ni? Grape juice an tih, Hnahlan hovin hman atanga tuizema an um ang, Aizawlah pawh kan hmuh thin ang hian buaina a siam lo va, Mizote tan hetiang hi a tawk chauh a ni.
Mizote hian ruih theih thil, zu leh zuk leh hmuamah te mi dang mitmei venna chang kan la hre tawk lo em em a. Zu rui, mahni venga ualau taka buaina siam ngam khawpa inthlahrunna nei miah lo hi an tam em em bawk. Puipunnaah zu ruih zah pui lo an tam em em a, zahthlak a ni tih hre lo emaw hi an awm nawk mai. Heng bakah mahni inchhung khura tuan khur khur phei chu sawi sen pawh an ni lo vang chu. Zu in thiamna hi a darthlalang a awm a, chu chu mei zuk thiam atangin a ni.
Vairam leh India ram pawna tunlai ningkhawng hre deuh te chuan vantlang puipunna, office, restaurant etc ah te ualauva mei zuk an ching tawh lo, danin a phal loh a ni a, an zawm thiam em em a ni. Danin a phal lohna hmunah chuan duty an awm lo bawka tiin mei zu lui hram an awm ngai lo, anmahni leh anmhani an in pawisa tawn thiama mei zuk lohna tur hmunah chuan an zu lo mai a ni. Hetiang rilru pu a, mi dang mitmei ven thiamna rilru leh thinlung kan put phak hunah zu hi zalen takin kan la zuarin kan la thlah zalen thei ang chu. Chumi hma chuan MLTP Act hmanga zu khap bur hi Mizoram tan ala tha ber a. Tun dinhmuna, zu khap burna state Mizoramah hian zu duh duha hmuh tur a awm reng tho va zu khap burna dan hi a hlawhtling lo a ni tih hi thlah zalen ai chuan ala tha zawk fe thovin a rinawm bawk.
Zu khap burna dan kan neih hmate kha chuan zana inkhawm ngam lo, zu rui insual buai leh mi tihbuai ching hlau thinte kan ni an ti a ni lawm ni kha. Tunah chuan khatiang boruak kha a awm tawh lo va, rawn mawm chhuah a tum leh tan mek niin a lang. Naupang intih palh theih lakah nu leh paten chem hriam tak tak te naupang ban phak lohva an dah thin ang hian, mi rama hnawk lo zu hi Mizote tan chuan hnawksak a tling a, khuahkhirh hi chu a tha zawkin a rinawm tlat a ni.
Zawlaidi wine kan hralh chhuah dan hian kan Mizoram awmdan tur chu a la hril khawp ang. MLTP Act hmanga zu khap bur mai hi ka Mizo puite tan hian, thlah zalen ai chuan a la tha zawk tih hi ka han sawi duh a, mahse kan tlin ta ngang lo a nih erawh chuan inzirtirna
tha nena in umzui chu a ngai hle ang le.
- R.C.Zosangzuala, Venghlui
Post a Comment