EVMs hi paper back-up nena hman kawp hi khawvel pumpuiin an pawm dan tlangpui a ni a, engatinge Election Commission of India hian a pawm ve duh loh le?
India rama inthlannaa booth-capturing awm thin tih bo beiseia EVMs hi hman a ni a. Mahse tuna kan hman danah hi chuan beisei ang aiin a buarchuar zawk mah emaw ni chu aw a tih theih. Chu mai bakah Information Technology Act, 2000 dan zam anga hman a ni chiah lo bawk. EVMs hmanga sawrkar tur kan thlan tlin hian sawisel/rinhlelh kaia sawi a awm fo ta mai. Tin, Election Commission of India (ECI) hian hleih neih vangin EVMs hi a fak tlat em ni chu aw tih zawhna pawh a awm thei ta hial mai.ECI mawhphurhnate chu Indian Constitution Article 324-in a ziah lan angin 'free and fair election' a kaihhruai bakah voter-te duh dan a pholang tur a ni. International standards-a 'free and fair election' nei tur chuan a hnuaia tarlan ang hi tihmakmawh a ni:-
1. Mitin vote thlak thei a ni tih vote thlak hmaa finfiaha chhinchhiah ngei tur a ni.
2. Vote thlak thei chin chuan ballot khat theuh neiin a ruk thei ang berin vote an thlak tur a ni.
3. Ballot box chu him taka ven tur a ni a, inthlan laia vote thlak nan chauh hman a ni ang. Vote reng reng lak chhuah theih a ni lo ni.
4. Election zawhah ballot box chu hawn a ni ang a, votes chu candidate-te aiawh awm lai ngeia chhiar tur a ni. Tin, voter-in tunge a vote tih pholan tur a ni lo.
5. Result puanah rinhlelhawm a awm chuan ballot kha enfiahin mi dangin an chhiar nawn tur a ni.
6. Voter reng rengin candidate a vote duh a vote ngei a ni tih a chiang tur a ni.
A chunga tar lan zawng zawng zulzui hian paper ballot hmangin kum zabi kal ta zawngah inthlanna lo neih tawh thin a ni a. Mahse tun hnai mai atanga India ram inthlannaa EVMs hman hian a chunga point No.5 leh 6 khi a phuhruk lo a ni.
EVMs hi khawvel ram dang tam takah an lo hmang ve thin tawh a. Mahse a him tawk em, a dik tawk em, a rintlak em tih leh a finfiah theih em tih rinhlelhna a lo chhuak nasa ta mai a. Chuvang chuan Netherlands chuan kum 2006 khan EVMs hman hi an lo khap tawh a. Republic of Ireland leh Italy pawhin kum 2009 atang khan hman tlem tial tiala tih tawp an tum bawk. 2009 March thla khan Supreme Court of Germany chuan EVMs hmanga vote thlak chu Danpui (Constitution) kalh a ni - "transparency is a constitutional right but efficiency is not a constitutionally protected value" tiin judgement a lo siam tawh bawk.
ECI chuan EVMs chu 100% a rintlak a nih mai bakah tamper-proof a ni tiin a tang tlat thung. EVMs an manufacture lai hian ECI instructions kha nuai bo theih hauh lovin chips-ah bel bei tlat a ni a, tin, heng chips-te hi EVMs chhunga tih danglam theih hauh loh tura kharkhip (mother-sealed) thlap a ni tiin min an sawisel nuai nuai chung pawhin a tang tlat a ni.
EVMs siamtute hi Electronics Corporation of India Limited (ECIL) leh Bharat Electronics Limited (BEL) te an ni a. ECIL leh BEL advisers-te hi thirzai pahnih zawm khawm hun lai (soldering two wires together - 'the diode and triode era) amite kha an ni daih tawh a, tun lai "hacking" thang chho zel hi an umpha tawh lo mai ni lovin tun lai khawvel lehkhathiamten eng electronic machine mah hi "rig" theih loha siam a awm lo an tih hi chhan letna tur an neiin a rinawm lo.
A hmaa kan sawi tak ram dang EVMs hmangte kha chuan EVMs-ah hian safeguards - "paper-backup" emaw "paper trails" hmangin vote an thlak thina sawi a ni. Hemi awmzia chu voter khan ballota a candidate vote tur hming list a thlir thei ang a, chutah a key a hmeh khan EVMs khan chhiar theihin ATM ang chiah hian a rawn "print out" ang. Kha printout kha ballot box-ah Poll Officer-te venna hnuaiah a chhuah pahin a thlak mai a ni. Hetiang a nih chuan a hmaa point No. 5 leh 6 kha a phuhruk zan tawh dawn a ni. Complaint avanga vote chhiar nawn pawh lo ngai ta se awlsam takin an chhiar nawn/ thlir nawn thei dawn a ni.
Harvard University zir chhuak, Lawyer hmingthang leh Central Cabinet Minister (Law & Justice) lo ni tawh Dr. Subramaniam Swamy chuan a chunga kan lo sawi tawh EVMs-a paper-trails safeguards telh kha ECI hnenah siam a lo rawt tawh a. Tin, EVMs hi a tih chingpen (tamper) theih a ni tih entir turin ECI hian Nirvan Bhavan, New Delhi-ah ngei an kova. Ani chuan Hyderabad-a Software Specialist Dr. Vemuru Hari Prasad hruaiin ECI office-ah EVMs hi tih chingpen theih a nihzia ECIL leh BEL mithiamte leh ECI officer-te hmaihma ngeia finfiah tur chuan a kal ta a. Hetia an entir lai hi video-in an la reng bawk a.
Dr. Prasad-an EVMs hi a tamper theihzia a tih lan zawh dawn tep chuan ECIL leh BEL aiawhte chuan Company "intellectual property rights" bawhchhiaa puhin an khap ta a ni. Tichuan, ECI chuan an thil entir chu tih zawh hram an ngen chung pawhin ti zui lovin an tih tawp sak ta a. A hnuah Dr. Prasad hi ECI office-ah kovin an ti buai zui hle ni tur a ni, a tawpah phei chuan tun hnai mai khan EVM rua puhin Mumbai-ah an man ta nghe nghe a ni. EVMs hi a him tawk lo a ni tiin Dr. Swamy hian Delhi High Court-ah Writ petition a file a, November 24, 2010 hian hearing an nei dawn a ni.
Hetih laia hriat tur pawimawh pakhat chu Dr. Swamy hian World Intellectual Property Organisation, Paris-a Headquarters nei atangin ECIL leh BEL-ten EVMs atana 'international patent' 2002-a an dilna leh chu patent chu an hmu dawn lova an hriat avanga 2006-a an dilna hnuhdawh lehna documents kha a la chhuak nghe nghe bawk.
A chunga kan sawi tak ang hian EVMs hian sawisep a hlawh em avang hian pan lovah tho a fu lo tih ang deuhvin thil awm zawng a awm ni ngei tur a ni. EVMs hman a nih hnu hi chuan vote chhiar chu a awl phah khawp mai. Tin, tuna India sawrkarin Unique Identity System a tih chhuah tum nen pawh hian EVMs hi thlun zawm thei phei ila chuan EVMs khan voter-in vote a thlak hma khan a identity a check vek thei ang a, "bogus voting" pawh a ti bo thei ang.
- John Lalngilneia, Zotlang, Aizawl
India rama inthlannaa booth-capturing awm thin tih bo beiseia EVMs hi hman a ni a. Mahse tuna kan hman danah hi chuan beisei ang aiin a buarchuar zawk mah emaw ni chu aw a tih theih. Chu mai bakah Information Technology Act, 2000 dan zam anga hman a ni chiah lo bawk. EVMs hmanga sawrkar tur kan thlan tlin hian sawisel/rinhlelh kaia sawi a awm fo ta mai. Tin, Election Commission of India (ECI) hian hleih neih vangin EVMs hi a fak tlat em ni chu aw tih zawhna pawh a awm thei ta hial mai.ECI mawhphurhnate chu Indian Constitution Article 324-in a ziah lan angin 'free and fair election' a kaihhruai bakah voter-te duh dan a pholang tur a ni. International standards-a 'free and fair election' nei tur chuan a hnuaia tarlan ang hi tihmakmawh a ni:-
1. Mitin vote thlak thei a ni tih vote thlak hmaa finfiaha chhinchhiah ngei tur a ni.
2. Vote thlak thei chin chuan ballot khat theuh neiin a ruk thei ang berin vote an thlak tur a ni.
3. Ballot box chu him taka ven tur a ni a, inthlan laia vote thlak nan chauh hman a ni ang. Vote reng reng lak chhuah theih a ni lo ni.
4. Election zawhah ballot box chu hawn a ni ang a, votes chu candidate-te aiawh awm lai ngeia chhiar tur a ni. Tin, voter-in tunge a vote tih pholan tur a ni lo.
5. Result puanah rinhlelhawm a awm chuan ballot kha enfiahin mi dangin an chhiar nawn tur a ni.
6. Voter reng rengin candidate a vote duh a vote ngei a ni tih a chiang tur a ni.
A chunga tar lan zawng zawng zulzui hian paper ballot hmangin kum zabi kal ta zawngah inthlanna lo neih tawh thin a ni a. Mahse tun hnai mai atanga India ram inthlannaa EVMs hman hian a chunga point No.5 leh 6 khi a phuhruk lo a ni.
EVMs hi khawvel ram dang tam takah an lo hmang ve thin tawh a. Mahse a him tawk em, a dik tawk em, a rintlak em tih leh a finfiah theih em tih rinhlelhna a lo chhuak nasa ta mai a. Chuvang chuan Netherlands chuan kum 2006 khan EVMs hman hi an lo khap tawh a. Republic of Ireland leh Italy pawhin kum 2009 atang khan hman tlem tial tiala tih tawp an tum bawk. 2009 March thla khan Supreme Court of Germany chuan EVMs hmanga vote thlak chu Danpui (Constitution) kalh a ni - "transparency is a constitutional right but efficiency is not a constitutionally protected value" tiin judgement a lo siam tawh bawk.
ECI chuan EVMs chu 100% a rintlak a nih mai bakah tamper-proof a ni tiin a tang tlat thung. EVMs an manufacture lai hian ECI instructions kha nuai bo theih hauh lovin chips-ah bel bei tlat a ni a, tin, heng chips-te hi EVMs chhunga tih danglam theih hauh loh tura kharkhip (mother-sealed) thlap a ni tiin min an sawisel nuai nuai chung pawhin a tang tlat a ni.
EVMs siamtute hi Electronics Corporation of India Limited (ECIL) leh Bharat Electronics Limited (BEL) te an ni a. ECIL leh BEL advisers-te hi thirzai pahnih zawm khawm hun lai (soldering two wires together - 'the diode and triode era) amite kha an ni daih tawh a, tun lai "hacking" thang chho zel hi an umpha tawh lo mai ni lovin tun lai khawvel lehkhathiamten eng electronic machine mah hi "rig" theih loha siam a awm lo an tih hi chhan letna tur an neiin a rinawm lo.
A hmaa kan sawi tak ram dang EVMs hmangte kha chuan EVMs-ah hian safeguards - "paper-backup" emaw "paper trails" hmangin vote an thlak thina sawi a ni. Hemi awmzia chu voter khan ballota a candidate vote tur hming list a thlir thei ang a, chutah a key a hmeh khan EVMs khan chhiar theihin ATM ang chiah hian a rawn "print out" ang. Kha printout kha ballot box-ah Poll Officer-te venna hnuaiah a chhuah pahin a thlak mai a ni. Hetiang a nih chuan a hmaa point No. 5 leh 6 kha a phuhruk zan tawh dawn a ni. Complaint avanga vote chhiar nawn pawh lo ngai ta se awlsam takin an chhiar nawn/ thlir nawn thei dawn a ni.
Harvard University zir chhuak, Lawyer hmingthang leh Central Cabinet Minister (Law & Justice) lo ni tawh Dr. Subramaniam Swamy chuan a chunga kan lo sawi tawh EVMs-a paper-trails safeguards telh kha ECI hnenah siam a lo rawt tawh a. Tin, EVMs hi a tih chingpen (tamper) theih a ni tih entir turin ECI hian Nirvan Bhavan, New Delhi-ah ngei an kova. Ani chuan Hyderabad-a Software Specialist Dr. Vemuru Hari Prasad hruaiin ECI office-ah EVMs hi tih chingpen theih a nihzia ECIL leh BEL mithiamte leh ECI officer-te hmaihma ngeia finfiah tur chuan a kal ta a. Hetia an entir lai hi video-in an la reng bawk a.
Dr. Prasad-an EVMs hi a tamper theihzia a tih lan zawh dawn tep chuan ECIL leh BEL aiawhte chuan Company "intellectual property rights" bawhchhiaa puhin an khap ta a ni. Tichuan, ECI chuan an thil entir chu tih zawh hram an ngen chung pawhin ti zui lovin an tih tawp sak ta a. A hnuah Dr. Prasad hi ECI office-ah kovin an ti buai zui hle ni tur a ni, a tawpah phei chuan tun hnai mai khan EVM rua puhin Mumbai-ah an man ta nghe nghe a ni. EVMs hi a him tawk lo a ni tiin Dr. Swamy hian Delhi High Court-ah Writ petition a file a, November 24, 2010 hian hearing an nei dawn a ni.
Hetih laia hriat tur pawimawh pakhat chu Dr. Swamy hian World Intellectual Property Organisation, Paris-a Headquarters nei atangin ECIL leh BEL-ten EVMs atana 'international patent' 2002-a an dilna leh chu patent chu an hmu dawn lova an hriat avanga 2006-a an dilna hnuhdawh lehna documents kha a la chhuak nghe nghe bawk.
A chunga kan sawi tak ang hian EVMs hian sawisep a hlawh em avang hian pan lovah tho a fu lo tih ang deuhvin thil awm zawng a awm ni ngei tur a ni. EVMs hman a nih hnu hi chuan vote chhiar chu a awl phah khawp mai. Tin, tuna India sawrkarin Unique Identity System a tih chhuah tum nen pawh hian EVMs hi thlun zawm thei phei ila chuan EVMs khan voter-in vote a thlak hma khan a identity a check vek thei ang a, "bogus voting" pawh a ti bo thei ang.
- John Lalngilneia, Zotlang, Aizawl
Post a Comment