Kan hre nual tan ta Municipal Council chu. Khawpui lianah Municipal Corporation, khawpui te deuhah Municipal Council leh Municipal Board - heng hi India ram khawpui enkawltu turte chu an ni.
Tichuan Aizawlah chuan a mihring cheng zatin pha chiah lo mahse Municipal Council chu kan nei dawn a ang ta viau a ni. Aizawl Municipal Act-ah hian 33% women reservation telh a ni a, hei hi ka hriatsual loh chuan India rama women reservation hmang hmasaber tur kan ni ta tihna a ni.
India Record kan siam leh dawn chiang khawp mai. Rajya Shabha-ah October, 2009 ah passed a ni a, Lokh Sabha-a passed chu sawi loh, put luh pawh a la ni lo. Chuvangin India-in women reservation bill hi a la pawm lo tihna a ni. Chutih laiin keini Mizoram chuan he reservation hi Aizawl Municipality Act 2009 ah khan kan lo dah hmak tawh si a ni!
33% women reservation kan neih hian MP thlanah pawh min khawih pha ngei dawn a, chumi awmzia chu MP kan thlan leh turte chu hmeichhia an ni ang. Tichuan MP Seat khat luah turin mipa leh hmeichhia kan inthlak zel tawh dawn a ni.
Tunah kan sawi ri ret ret a, hmeichhe bial nih kan hreh deuh thum nghal a, hei hian thil chiang takin a hailang a. Mizo mipa te hian Mizo hmeichhite hi kan tlukpui-ah kan la dah chiah lo tihna a ni. A dik tak chuan hmeichhite pawh hian mipate hi tluk kan tum tak tak lo, mipa tih chi a dah hi kan ngah mai. Hei hi kan Pi pute’n Pumah hmeichhia an laltir a, Tuikhurah mipa an lo laltir kha kan la chhawm nung a ni. Kan culture-a bet awmchhun kan ngaihsak vak loh va kan la chhawm nun ve zel chu a ni zawk.
33% women reservation kan neih hian MP thlanah pawh min khawih pha ngei dawn a, chumi awmzia chu MP kan thlan leh turte chu hmeichhia an ni ang. Tichuan MP Seat khat luah turin mipa leh hmeichhia kan inthlak zel tawh dawn a ni.
Tunah kan sawi ri ret ret a, hmeichhe bial nih kan hreh deuh thum nghal a, hei hian thil chiang takin a hailang a. Mizo mipa te hian Mizo hmeichhite hi kan tlukpui-ah kan la dah chiah lo tihna a ni. A dik tak chuan hmeichhite pawh hian mipate hi tluk kan tum tak tak lo, mipa tih chi a dah hi kan ngah mai. Hei hi kan Pi pute’n Pumah hmeichhia an laltir a, Tuikhurah mipa an lo laltir kha kan la chhawm nung a ni. Kan culture-a bet awmchhun kan ngaihsak vak loh va kan la chhawm nun ve zel chu a ni zawk.
Reservation hi tul kan ti tak tak em? hmeichhia MP te han nei ila kan thatpui tak tak ang maw? Reservation tel kher ngai lo hian hmeichhe tha tak chu kan thlang chhuak thei tho lovang maw? Mipate nen Platform pakhatah inchuh se, a tha zawk chu kan thlang mai ang. Hei hi mipa leh hmeichhe intluktlanna dik tak chu a ni.
Chhinchhiah reng rawh u, Women Reservation avang hian Aizawl thatna tur ni lem lova reservation chuh ve hrim hrim hi an lo chhuak teuh mai ang. A tawpberah chuan kan mithiamte u Aizawl Municipality Act hi han en chiang teh u, thil felhlel a awm nual tlat mai. A pawi hnuah kan harh chhuak ve chauh ang tih a hlauhawm, kan hman hma hian zir chiang phawt teh ang u. Faksel ngai te pawh a awm teuh a ni.
Post a Comment