Aizawl Municipal Council inthlang turin sorkar leh mipui kan inpuahchah mek a. Inthlanna kan neiha Dan anga Municipal sorkar a lo din tawh chuan, thil pawimawh tak tak a mamawh nghal dawn a, chutiang thil lo ruahman lawkna tur kawng tam tak chu Municipal Dan hian state sorkar tih tur, ruahman tur leh ngaihtuah lawk turah a dah hlawm a. Entirna ang rengin thil thenkhat han tarlang ila, heng kawngah te hian state sorkar hian a tih tur a tiin a ruahman tur a ruahman lawk em tih, Municipal Dan chhung atangin i han thlir teh ang. State sorkar kan tih hian mi tam takin CM Pu Hawla hruai Congress sorkar hi an kawhtir bik thei a, tunah hi chuan anniho bakah sorkar pumpui, Department tin leh Officers ho pawh hmer vekin kan sawi dawn a ni. Municipal properties
Section 80-ah hian sorkar leh vantlang thil tam tak chi 11 lai, public tanks, reservoirs, chanels and streams, public market, drains and culverts, public streets and pavements, public parks, squares and open spaces, street light leh thil dang, Municipal area chhunga awmte chu Municipal ta an ni ang tih a chuang a. Thu pakhat unless the state government otherwise directs by a notification in the official gazette tih erawh chuan a delhkilh a ni.
Hetiang sorkar leh vantlang thil pawimawhte Municipal kuta dah tur hian Council of Ministers leh sorkar Department-te hi an lo inpuahchah lawk em? Records te an lo chhui chiangin an lo up-date em? Inruahman lawkna awm lova Municipal ding tir kuta an luh rup mai chuan phurrit, buaina, inhnialna, inhruipawhna leh inepna hial pawh thlen thei an ni ang.
State sorkar hian Municipal kuta pek nghal mai tur chi leh chin fel ngaite chin fel vek hnua la pek leh turte mumal nei takin ruahman thlap sela, a tul angin notification pawh chhuah mai se. Tin muangchang hauh lovin concerned Departments leh Officers pawimawhte chui inralring vek turin thu pe nghal se a tha ngawt ang.
Transfer of functions
to municipality
Section 59 ah hian state sorkar chuan Municipal kutah sorkar functions and duties eng pawh heng zinga mi hi a hlan thei ang tiin thil pawimawh tak tak chi 17 lai mai, town planning, urban development, water supply and sanitation, public works including road construction & housing, employment scheme & programmes, health & family welfare leh a dangte a tarlang duah a. Chung hna pawimawhte Municipal kuta a hlan chuan sum leh hnathawktu (fund & personnel) pawh a hlan tel ang a ti a, a hlan dan tur hmangah pawh subject to such conditions as it may think fit to impose, a ti leh mai a ni. Heng hna pawimawh zinga engte hi nge, eng chen nge Municipal kutah chuan a hlan ang a, sum leh thawktu eng ang nge a pek ang a, a delhkilh nan eng conditions nge a hman ang tih hi state sorkar tan chuan ngunthluk taka lo ruahman lawk ngei awm a ni.
Hetah hian thil pawi tak mai pakhat sawi tel ila. A tirah chuan Functions of Municipality Section 57-a chuang hi The State-Government may assign to a municipality of any level all or any of the following functions in progressive manners considering the managerial, technical and financial capacities of the municipality: Provided that it shall be the duty of the State Government to allocate to a municipality adequate and reasonable functions and powers once the municipality is in position to discharge the functions tiin a thu (wordings) pawh uluk takin dah a ni a. Mahse 2009 kuma Municipal Dan Amendment khan he lai thu hi a chawk bo ta a ni. He mi thu chawk bo lo hian amendment siam theih a nih nen, a pawi hle. Section 57 Amendment ang hi chuan Municipal functions chu Municipal capacities ang zela hlan tur ni tawh lovin Municipal chuan chutin kha tin a ti ang a ti ta hmiah hmiah mai a, Section dang nen te hian a inkalh ta hial emaw!
Municipal staffing pattern
Section 61-ah hian Municipal sorkarin state sorkar remtihna hmu hmasa a hnathawktu a rawih theihte a chuang a. Section 62-ah hian Municipal hrang (Aizawl, Lunglei etc)-a thawk lawr tur Cadre of Common Municipal Service siam theih a nih thu a chuang bawk. Chungho hlawh chu Municipal fund atanga pek a ni ang a, state sorkarin tumpui chin a nei ang tih Section 64 hian a sawi. Heng bakah hian section 68-ah chuan state sorkar hnathawkte chu Municipal-ah dah theih an ni a, an hlawh pawh state sorkarin a tum ang tih a chuang.
Heng thil chi hrang pathum Municipal-in hnathawktu a rawih (independent pattern) leh Municipal Common Cadre (unified pattern) leh sorkar hnathawkte Municipal-a thawh tir (integrated pattern) te hi duh duh hman emaw, hman pawlh theih emaw-in Mizoram Municipal Dan hian a dah hlawm a. Integrated pattern hi kan hman tam ber tur a ni awm hle. State sorkar hnathawkte Municipal-a thawhtir dan hmang chu, in such manner, and on such terms and conditions of service, as may be determined by the State Government in this behalf a ti tawp mai bawk.
Section 59-na Transfer of functions nen enkawpin khawi Department (office) a mi nge, engzat nge, eng manner leh eng terms and conditions-in nge Municipal-ah chuan kan dah ang tih hi state sorkar tan chuan lo inpuahchah lawk ngei ngeina tur niin a lang.
Financial Rules
Municipal Act provisions te, Municipal sorkarin a taka a kalpui dan tur Rules siam sak hi state sorkar tih tur liau liau a ni. Municipal sorkar chuan state sorkar Rules siam nena inkalh lovin amahin Regulations a siam ve thei. Municipal Council kan nei thuai dawn a, state sorkar tan pawh Rules tam tak lo siam sak lawk chu a harsa thei a, mahse Municipal sorkarin a hman nghal mai tur Financial Management Rules erawh chu siam ngei se a tha. Municipal hi kan nei tawh si ang a, a hmanrua tur Financial Rules kan la nei lo a nih si chuan a buaithlak takzet ang. Hei hi state sorkar lo inruahman lawkna pawimawh ber pakhat a ni ang.
Remuneration
Hei pawh hi sawi tel hram ila. Municipal Councillors leh Members of Executive Committee te chuan state sorkar ruahman (prescribed) sak zat hlawh (remuneration or allowance) an hmu ang tih Section 55-ah a chuang a.
Heta ruahman sak tih hi Section 2 (50) angin Prescribed by Rules a ni a. Notification naran hmanga heti zat hi lawmman la rawh se tih mai ang chi a ni lo. Rules siam phung pangngaiin Assembly Session-ah pawh lay thlap tur a ni ang. Sorkar hi a lo inpuahchah em aw? Municipal Councillors kan thlang thuai dawn a nih si chuan hlawh (lawmman) lak ve te an duh dawn a, state sorkar hian a tih tur hi mangnghilh mai lo se a tha ang.
Mizoram Municipal Dan hi bih ila, heng bak pawh hi sorkar tih tur, ruahman tur leh ngaihtuah tur tam tak kan hmu ang. Kan sawi takte hi chu entirna leh kawng sihhmuhna mai a ni e.
- L.T. Zothankhuma, Zotlang
Section 80-ah hian sorkar leh vantlang thil tam tak chi 11 lai, public tanks, reservoirs, chanels and streams, public market, drains and culverts, public streets and pavements, public parks, squares and open spaces, street light leh thil dang, Municipal area chhunga awmte chu Municipal ta an ni ang tih a chuang a. Thu pakhat unless the state government otherwise directs by a notification in the official gazette tih erawh chuan a delhkilh a ni.
Hetiang sorkar leh vantlang thil pawimawhte Municipal kuta dah tur hian Council of Ministers leh sorkar Department-te hi an lo inpuahchah lawk em? Records te an lo chhui chiangin an lo up-date em? Inruahman lawkna awm lova Municipal ding tir kuta an luh rup mai chuan phurrit, buaina, inhnialna, inhruipawhna leh inepna hial pawh thlen thei an ni ang.
State sorkar hian Municipal kuta pek nghal mai tur chi leh chin fel ngaite chin fel vek hnua la pek leh turte mumal nei takin ruahman thlap sela, a tul angin notification pawh chhuah mai se. Tin muangchang hauh lovin concerned Departments leh Officers pawimawhte chui inralring vek turin thu pe nghal se a tha ngawt ang.
Transfer of functions
to municipality
Section 59 ah hian state sorkar chuan Municipal kutah sorkar functions and duties eng pawh heng zinga mi hi a hlan thei ang tiin thil pawimawh tak tak chi 17 lai mai, town planning, urban development, water supply and sanitation, public works including road construction & housing, employment scheme & programmes, health & family welfare leh a dangte a tarlang duah a. Chung hna pawimawhte Municipal kuta a hlan chuan sum leh hnathawktu (fund & personnel) pawh a hlan tel ang a ti a, a hlan dan tur hmangah pawh subject to such conditions as it may think fit to impose, a ti leh mai a ni. Heng hna pawimawh zinga engte hi nge, eng chen nge Municipal kutah chuan a hlan ang a, sum leh thawktu eng ang nge a pek ang a, a delhkilh nan eng conditions nge a hman ang tih hi state sorkar tan chuan ngunthluk taka lo ruahman lawk ngei awm a ni.
Hetah hian thil pawi tak mai pakhat sawi tel ila. A tirah chuan Functions of Municipality Section 57-a chuang hi The State-Government may assign to a municipality of any level all or any of the following functions in progressive manners considering the managerial, technical and financial capacities of the municipality: Provided that it shall be the duty of the State Government to allocate to a municipality adequate and reasonable functions and powers once the municipality is in position to discharge the functions tiin a thu (wordings) pawh uluk takin dah a ni a. Mahse 2009 kuma Municipal Dan Amendment khan he lai thu hi a chawk bo ta a ni. He mi thu chawk bo lo hian amendment siam theih a nih nen, a pawi hle. Section 57 Amendment ang hi chuan Municipal functions chu Municipal capacities ang zela hlan tur ni tawh lovin Municipal chuan chutin kha tin a ti ang a ti ta hmiah hmiah mai a, Section dang nen te hian a inkalh ta hial emaw!
Municipal staffing pattern
Section 61-ah hian Municipal sorkarin state sorkar remtihna hmu hmasa a hnathawktu a rawih theihte a chuang a. Section 62-ah hian Municipal hrang (Aizawl, Lunglei etc)-a thawk lawr tur Cadre of Common Municipal Service siam theih a nih thu a chuang bawk. Chungho hlawh chu Municipal fund atanga pek a ni ang a, state sorkarin tumpui chin a nei ang tih Section 64 hian a sawi. Heng bakah hian section 68-ah chuan state sorkar hnathawkte chu Municipal-ah dah theih an ni a, an hlawh pawh state sorkarin a tum ang tih a chuang.
Heng thil chi hrang pathum Municipal-in hnathawktu a rawih (independent pattern) leh Municipal Common Cadre (unified pattern) leh sorkar hnathawkte Municipal-a thawh tir (integrated pattern) te hi duh duh hman emaw, hman pawlh theih emaw-in Mizoram Municipal Dan hian a dah hlawm a. Integrated pattern hi kan hman tam ber tur a ni awm hle. State sorkar hnathawkte Municipal-a thawhtir dan hmang chu, in such manner, and on such terms and conditions of service, as may be determined by the State Government in this behalf a ti tawp mai bawk.
Section 59-na Transfer of functions nen enkawpin khawi Department (office) a mi nge, engzat nge, eng manner leh eng terms and conditions-in nge Municipal-ah chuan kan dah ang tih hi state sorkar tan chuan lo inpuahchah lawk ngei ngeina tur niin a lang.
Financial Rules
Municipal Act provisions te, Municipal sorkarin a taka a kalpui dan tur Rules siam sak hi state sorkar tih tur liau liau a ni. Municipal sorkar chuan state sorkar Rules siam nena inkalh lovin amahin Regulations a siam ve thei. Municipal Council kan nei thuai dawn a, state sorkar tan pawh Rules tam tak lo siam sak lawk chu a harsa thei a, mahse Municipal sorkarin a hman nghal mai tur Financial Management Rules erawh chu siam ngei se a tha. Municipal hi kan nei tawh si ang a, a hmanrua tur Financial Rules kan la nei lo a nih si chuan a buaithlak takzet ang. Hei hi state sorkar lo inruahman lawkna pawimawh ber pakhat a ni ang.
Remuneration
Hei pawh hi sawi tel hram ila. Municipal Councillors leh Members of Executive Committee te chuan state sorkar ruahman (prescribed) sak zat hlawh (remuneration or allowance) an hmu ang tih Section 55-ah a chuang a.
Heta ruahman sak tih hi Section 2 (50) angin Prescribed by Rules a ni a. Notification naran hmanga heti zat hi lawmman la rawh se tih mai ang chi a ni lo. Rules siam phung pangngaiin Assembly Session-ah pawh lay thlap tur a ni ang. Sorkar hi a lo inpuahchah em aw? Municipal Councillors kan thlang thuai dawn a nih si chuan hlawh (lawmman) lak ve te an duh dawn a, state sorkar hian a tih tur hi mangnghilh mai lo se a tha ang.
Mizoram Municipal Dan hi bih ila, heng bak pawh hi sorkar tih tur, ruahman tur leh ngaihtuah tur tam tak kan hmu ang. Kan sawi takte hi chu entirna leh kawng sihhmuhna mai a ni e.
- L.T. Zothankhuma, Zotlang
Post a Comment