"Chhe heu, kan heti leh dawn ta pek a ni maw?" tih chu tun thla bula Champhai-a grape wine (Zawlaidi ti-a sorkar hotute’n an vuah tak) siam chhuahna ‘Winery’ kan tlawh tuma ka rilru-a lo lang hmasa ber a ni. Lu ti hai thei dek dek tawh chu khap emaw na taka khuahkhirh emaw duhtu, mi tlemte, mahse, kan khawtlanga thuneihna chelh ve tlat thinte duh dan a chungnung leh ta tih hrilhlawk turin Zawlnei Isaia emaw Pastor Chhawna emaw nih a ngai lo tih chu ka hriatna a rei ve tawh mai.
Chumi piahah chuan mulukawlhin saruang awmna an hre thei em em a, an kil nghal luai luai thin tih pawh sorkar department ho hawiherah a lang a, chhiah lakna atana an it rualin thuneitu nih pawh an inchuh nasa ngial mai.
Zawlnei dang puan sak ngai hauh lova ka hriat chian chu Zawlaidi tia kan vuah tak hi grape rah atanga siam a ni tih hi a ni a; Grape chu thlai rah, a saptawngin ‘horticulture produce/product’ a ni tih hi a ni bawk. Chumi piahah chuan hnam changkangho chuan grape atanga siam chhuah ‘wine’ (Mizo tawnga 'uain' kan tih) hi chaw chi khatah an ngai a, sap pachal chuan ‘food item’ tiin an sawi. Zu dang angin chaw ei hma-in chaw ei tuina atan an in ve lova, chaw ei rualin bai leh antam tlak tui kan hawp/in thin ang hian an in thin niin an sawi. A rawng a dang deuh tih chauh a ni a, tuipuiral tawng hawh leh ta i la ‘part of food’ tiin an vuah ve tho bawk a ni awm e.
Grape chingtu pawl hruaitute chuan an gerep uain (grape wine) hi a man tlawm thei ang ber, an tana hnemhnanawm ber pha tur sia hralh an duh tih min hrilh mawlh mawlh a, mahse kan sorkar department thenkhat erawh chuan a man ti to thei zawng tura chhiah lak an lo tum ve nasa bawk si a. Chumi piah lamah chuan uain sawrna hmun i ti mai teh ang ‘Winery’ ah hian a thunei zawk nih inchuhna a na hle tih ka mit ngeiin ka han hmu pek a. Politician-te’n kuthnathawktu tia an sawi grape chingtute hmakhua ngaihtuahna aiin thuneitu nih inchuhna-ah kan lut thuk ta zawk tih chu Champhai Winery tlawhtu tan hmuh hmaih theih chi a ni lova, a kimchanga sawi khera tute-emaw demna chhak chhuah chu ka tum ber pawh a ni lo.
Min hrilh chinah chuan Taxation department-in Value Added Tax (VAT) lak an tum thu leh Excise Department-in Excise Duty lak an tum thu chu ka hre ngei mai. Chutianga chhiah chi hnih an lak phawt chuan Zawlaidi man chu a sang sawt dawn tih a chiang khawp a. Chumi piah lamah chuan a zawrh phalna (licence) neitu-in tum khat zelah Rs 50 zel ei turin an ruahman niin chanchinbu thenkhatah ka chhiar a. Hei hi grape chingtu pawl hotute leh Horticulture department officer-te chuan an hriat ve loh thu min hrilh. Mahse, Grape chingtu pawl hotute chuan Aizawla sorkar an dawrna-ah sorkar hotu lianin an zawlaidi man hi a tlawm chuan a sakechek nazawng an rui dawn a, chuvangin a man hi to taka siam a nih theihna tura ruahmanna siam a nih thu a lo hrilh tih min hrilh leh chhawng a ni.
Kei ka lo ngaih ve dan mai mai-ah chuan kan Zawlaidi hi ruihna atana hmang ta lo i la hnam changkang kan ni mai dawn a ni. Ruihna atana lo hmang hram an awm pawhin hnam changkang zingah pawh hetiang tawk an awm ve tho tih hriat tel a tul ka ti a. Kan Zu Khapna Dan hi awm ta lo sela chuan tuma’n ruihna atan an hman duh pawh ka ring hek lova, thil charna ‘Denrite’ hnim peih an awm pawh ka ring chiah lo. A pawimawh ber erawh chu rim taka thawka grape ching a thar chhuaktute hmakhua hi a ni a, man tlawm tak si, an hlawkna tur sia an hralh theih chuan kan ram economy-in a that phah ngei ka ring. Chumi ngaihtuahna aia lu a tih-hai theihna lam ringawt kan ngaihtuah hian ka lu a ti hai a ni.
Lianchhiari lunglen tlang kan tlawh tum a, ‘Kan va tih luattuka, Lengi’n ka zir sual e’ tih ka hre chhuak ang deuhvin kan ti lua tih chu ka rilru-ah a lo lang uar uar a. Chhiah lakna atana kan it em em avanga kan thiltihah hian grape chingtute’n an tuar dawn a; tute’n emaw ruihna atana an hman kan hlauh luat avanga a man kan tih to belhchhah hian an tuar leh zual ang a. Ruihna atana hman tur anga kan tintuah nat luatah chutiang taka hmang an tam phah dawn niin ka hre bawk.
Mizoramah hian kan kal letling nasa hle. Kan thlai thar atanga kan thil siam chhuah danga chhiah la si lova Zawlaidi atanga chhiah lak kan tum nasa hian kawh a nei leh pek. Lak loh tur a ni. Horticulture product a nih avangin lak loh tur mai ni lovin sorkarin ‘subsidy’ siam hiala mawi a ni. Chaw chi khat (food item) a nih bawk avangin MIFCO thil siam chhuah dangte ang thova en tur chi a ni. Chubakah chuan India hmarchhak puala kum 2007-a sorkar laipuiin Industrial Policy a siamah chuan vaihlo leh a kaihhnawih tih lohvah chuan Excise Duty (tuna Zawlaidi atanga Excise department-in chhiah lak an tum ang hi) awl a ni a, CENVAT (sorkar laipuiin VAT a lak?) awl a nih bakah Income Tax awl vek a ni bawk.
Chhiah nge kan ngaih pawimawh hmasak dawna kan thlai chingtute hmakhua tih chu zawhna hmasa a ni a. A sen reng reng chu hlau turin Chhurbura ang khan kan inzirtir reng dawn nge, khawvel changkang (civilised world) ke pen angin kan pen ve dawn tih chu tunge chhang ta ang ka hre ta lo.
Winery hi uain sawngbawlna hmun a nih miau avangin industry a ni a, chuvangin Industrial Policy 2007 huam chhung ami a ni. He policy phek hmasa ber (V)-ah hian Excise duty 100% awl tur tih hi chiang takin a inziak. A thuhrimin he policy hi hman ni ta lo tehreng pawh nise loneitu leh huan neitute thar chhuah atanga siam chhuah hi a tirah chuan chhiah an awl tlangpui a. Lei rem an rah theih hun an nghak thin. Agriculture leh Horticulture atan chuan power subsidy thlengin ruahmanna siam a ni thin. Diesel tlawm bik em emna chhan pawh hi eng dang vang ni lovin loneitute kutke ber tractor, power-tiller tih ang hman ber a nih avanga nasa taka subsidised a nih vang mai a ni.
Kan kuthnathawktute hi chhiah hmanga harsatna siam sak lovin an hnathawh rah hlawk thei ang bera an tel theih dan ngaihtuah sak i la. An intodelh phawt chuan midang intodelh ve turin an cho chhuak ang a, kan ram economy hi a lo kang dawrh thei zawk dawn a ni tih hi i ngaihtuah teh ang u.
- H.C. Vanlalruata
Chumi piahah chuan mulukawlhin saruang awmna an hre thei em em a, an kil nghal luai luai thin tih pawh sorkar department ho hawiherah a lang a, chhiah lakna atana an it rualin thuneitu nih pawh an inchuh nasa ngial mai.
Zawlnei dang puan sak ngai hauh lova ka hriat chian chu Zawlaidi tia kan vuah tak hi grape rah atanga siam a ni tih hi a ni a; Grape chu thlai rah, a saptawngin ‘horticulture produce/product’ a ni tih hi a ni bawk. Chumi piahah chuan hnam changkangho chuan grape atanga siam chhuah ‘wine’ (Mizo tawnga 'uain' kan tih) hi chaw chi khatah an ngai a, sap pachal chuan ‘food item’ tiin an sawi. Zu dang angin chaw ei hma-in chaw ei tuina atan an in ve lova, chaw ei rualin bai leh antam tlak tui kan hawp/in thin ang hian an in thin niin an sawi. A rawng a dang deuh tih chauh a ni a, tuipuiral tawng hawh leh ta i la ‘part of food’ tiin an vuah ve tho bawk a ni awm e.
Grape chingtu pawl hruaitute chuan an gerep uain (grape wine) hi a man tlawm thei ang ber, an tana hnemhnanawm ber pha tur sia hralh an duh tih min hrilh mawlh mawlh a, mahse kan sorkar department thenkhat erawh chuan a man ti to thei zawng tura chhiah lak an lo tum ve nasa bawk si a. Chumi piah lamah chuan uain sawrna hmun i ti mai teh ang ‘Winery’ ah hian a thunei zawk nih inchuhna a na hle tih ka mit ngeiin ka han hmu pek a. Politician-te’n kuthnathawktu tia an sawi grape chingtute hmakhua ngaihtuahna aiin thuneitu nih inchuhna-ah kan lut thuk ta zawk tih chu Champhai Winery tlawhtu tan hmuh hmaih theih chi a ni lova, a kimchanga sawi khera tute-emaw demna chhak chhuah chu ka tum ber pawh a ni lo.
Min hrilh chinah chuan Taxation department-in Value Added Tax (VAT) lak an tum thu leh Excise Department-in Excise Duty lak an tum thu chu ka hre ngei mai. Chutianga chhiah chi hnih an lak phawt chuan Zawlaidi man chu a sang sawt dawn tih a chiang khawp a. Chumi piah lamah chuan a zawrh phalna (licence) neitu-in tum khat zelah Rs 50 zel ei turin an ruahman niin chanchinbu thenkhatah ka chhiar a. Hei hi grape chingtu pawl hotute leh Horticulture department officer-te chuan an hriat ve loh thu min hrilh. Mahse, Grape chingtu pawl hotute chuan Aizawla sorkar an dawrna-ah sorkar hotu lianin an zawlaidi man hi a tlawm chuan a sakechek nazawng an rui dawn a, chuvangin a man hi to taka siam a nih theihna tura ruahmanna siam a nih thu a lo hrilh tih min hrilh leh chhawng a ni.
Kei ka lo ngaih ve dan mai mai-ah chuan kan Zawlaidi hi ruihna atana hmang ta lo i la hnam changkang kan ni mai dawn a ni. Ruihna atana lo hmang hram an awm pawhin hnam changkang zingah pawh hetiang tawk an awm ve tho tih hriat tel a tul ka ti a. Kan Zu Khapna Dan hi awm ta lo sela chuan tuma’n ruihna atan an hman duh pawh ka ring hek lova, thil charna ‘Denrite’ hnim peih an awm pawh ka ring chiah lo. A pawimawh ber erawh chu rim taka thawka grape ching a thar chhuaktute hmakhua hi a ni a, man tlawm tak si, an hlawkna tur sia an hralh theih chuan kan ram economy-in a that phah ngei ka ring. Chumi ngaihtuahna aia lu a tih-hai theihna lam ringawt kan ngaihtuah hian ka lu a ti hai a ni.
Lianchhiari lunglen tlang kan tlawh tum a, ‘Kan va tih luattuka, Lengi’n ka zir sual e’ tih ka hre chhuak ang deuhvin kan ti lua tih chu ka rilru-ah a lo lang uar uar a. Chhiah lakna atana kan it em em avanga kan thiltihah hian grape chingtute’n an tuar dawn a; tute’n emaw ruihna atana an hman kan hlauh luat avanga a man kan tih to belhchhah hian an tuar leh zual ang a. Ruihna atana hman tur anga kan tintuah nat luatah chutiang taka hmang an tam phah dawn niin ka hre bawk.
Mizoramah hian kan kal letling nasa hle. Kan thlai thar atanga kan thil siam chhuah danga chhiah la si lova Zawlaidi atanga chhiah lak kan tum nasa hian kawh a nei leh pek. Lak loh tur a ni. Horticulture product a nih avangin lak loh tur mai ni lovin sorkarin ‘subsidy’ siam hiala mawi a ni. Chaw chi khat (food item) a nih bawk avangin MIFCO thil siam chhuah dangte ang thova en tur chi a ni. Chubakah chuan India hmarchhak puala kum 2007-a sorkar laipuiin Industrial Policy a siamah chuan vaihlo leh a kaihhnawih tih lohvah chuan Excise Duty (tuna Zawlaidi atanga Excise department-in chhiah lak an tum ang hi) awl a ni a, CENVAT (sorkar laipuiin VAT a lak?) awl a nih bakah Income Tax awl vek a ni bawk.
Chhiah nge kan ngaih pawimawh hmasak dawna kan thlai chingtute hmakhua tih chu zawhna hmasa a ni a. A sen reng reng chu hlau turin Chhurbura ang khan kan inzirtir reng dawn nge, khawvel changkang (civilised world) ke pen angin kan pen ve dawn tih chu tunge chhang ta ang ka hre ta lo.
Winery hi uain sawngbawlna hmun a nih miau avangin industry a ni a, chuvangin Industrial Policy 2007 huam chhung ami a ni. He policy phek hmasa ber (V)-ah hian Excise duty 100% awl tur tih hi chiang takin a inziak. A thuhrimin he policy hi hman ni ta lo tehreng pawh nise loneitu leh huan neitute thar chhuah atanga siam chhuah hi a tirah chuan chhiah an awl tlangpui a. Lei rem an rah theih hun an nghak thin. Agriculture leh Horticulture atan chuan power subsidy thlengin ruahmanna siam a ni thin. Diesel tlawm bik em emna chhan pawh hi eng dang vang ni lovin loneitute kutke ber tractor, power-tiller tih ang hman ber a nih avanga nasa taka subsidised a nih vang mai a ni.
Kan kuthnathawktute hi chhiah hmanga harsatna siam sak lovin an hnathawh rah hlawk thei ang bera an tel theih dan ngaihtuah sak i la. An intodelh phawt chuan midang intodelh ve turin an cho chhuak ang a, kan ram economy hi a lo kang dawrh thei zawk dawn a ni tih hi i ngaihtuah teh ang u.
- H.C. Vanlalruata
Post a Comment