Hman ni mai khan Hnahlan leh Champhai vela kan unau kut hnathawka grape huan siamtuten an grape chin a tuia man sang zawka an hralh theih nana Mizorama Zu Khapna dan, MLTP Act, 2007 kuma an siam that tak thu leh a Rules pawh 2008 kuma an siam thu kan sawi tawh a.
Grape huan sawi taka zarah chuan, kan hla pakhat, Ngai rawh Lalpan a grape huanah rah seng turin min ko, Lo buh sengtute an tlem vangin, Buhte a ngui zo ta, tih hi mak in ti ve em? Grape huana buh seng tura han koh tak tlat chu, Hnahlan vela an grape huanah buh seng tur a tam hmel loh. Lalpan grape huana grape rah lova seng turin min ko ta se, a mak lo vang a, lo-ah buh seng turin min ko se a mak hek lo vang; grape huana buh seng tura min koh tlat hi mak ka ti deuh, grape khan buh a dip chhe duh awm! Nia, tun hnaia MLTP Act vanga Prohibition Council thu khawm khan Zu khapna dan chu zir chian leh deuh nise an ti, ni awm takin chanchibu lam atangin kan lo hria a, a lawmawm e. An grape tui (zawlaidi) Pu R.Thangkanglova ten Tlumtea thlir taka an thlir deuh deuh lai mekin Pu K.C.Thanga te ve thung chuan lo insum an tum hle a ang a, Pu Hnamtea pawhin insum a tum ta ve ang. Tlem lai deuh khan Pu R.Lalrinawma pawl, Law Commission-ten MLTP Act hi an lo zir nek tawhin a bung leh chang thenkhatte phei chu tlema han siam thata tihdanglam deuh te pawh an rawt ni khan a lang a. Kei ka lo 'amen' ve viau lai khan, kohhran kan rawn hmasa phawt ang, tih thu thang vel khan an rawtna chu a delh hlum ta emaw kan ti a ni lawm ni kha? Tuna an han zir chiang leh tur hi a
tha ka ti.
A vaiin sawi seng lo mah ila, thil pakhat chauh erawh han sawi ve ka duh a. MLTP Act chang 8(!)-na hi a ni. He lai chang hi zu zuar leh a kawlte an hremna ber a ni a. A awmzia chu Permit nei si lova zu zuar, kawl, phur leh zu neite chu kum nga thleng lung-ina khung theih a niin, pawisa pawh chawitir tel tur a ni a, a tlem berah thla thum tal tantir tur a nih bakah cheng sangkhat tal chawitir bawk tur a ni. Ka sawi duh ber zawka chu, a chunga MLTP Act chang 8(1)-na tak khi zir chian ngai lai ve ber tur pakhat chu niin ka ngai a, a tihdanglam emaw siam that emaw chu dan siam pawl, Legislature thu a ni thung.
Khilai chang khian zu zuar leh kawl, phurte chu hrem tur a ni ta a. Rakzu fun te hnih kawl leh motor lian, truct, TMB kan tih mai phur khat neite a hremna a inang reng hi zir chian ngai lai tak chu niin i hre ve em? Zu avangin mi pahnih man an ni a, pakhat chuan rakzu fun 100 lai mai a lo kawl a, a dang thung chuan fun te pakhat lek a kawl a, a hremna a inang ta reng mai kha tlema zir chiana tihdanglam chu a that hmel khawpin a lang. Damdawi ruihtheih, drugs kan tih, heroin te, ganja te, opium angte zuar leh kawlte hremna dan chu ND & PS Act an tih hi a ni a. Dam chhung tantir theih a nih bakah a tlem berah kum 10 tal tantir bakah cheng nuaikhat tal chawitir tur a ni bawk a. Chu chu khawngaihna sâng ber a ni. Kum eng emaw zat kha dan kha hman a nih hnuah sawrkar chuan tlem te nei leh tam tak nei hremna a inang reng mai chu dikin a hre ta lo va, an siam tha nghe nghe a ni. Zing atang thawk leh chawhnu atanga thawk duli hlawhtir vek ang deuh a ni awm e.
Tichuan, mahni hman atan tlemte nei, grams 5 hnuai lam heroin kawl te chu thla ruk thlenga tantir theiha hrem emaw pawisa chawitir tel bawka hrem emaw, lung-ina khung kher lova chawitir ringawt pawha hrem theih turin siam that a ni ta a. Chutiang chu ‘small guantity’ an ti a. Tin, tam tham tak, sumdawnna tur a ni tih chiang (commercial guantity) nei, grams 250 chin ang chu kum 10 tan bakah nuai khat tal chawi bawka hremna kha a la pangngai a. Tlem te nei leh sumdawnna chi nei inkar, grams 5 aia tam si, 250 aia tlem si neite erawh chu kum sawm thleng tantir theih a ni thung a, a awmzia chu kum 10 aia tam tan theih loh a niin Court-in kum 1 emaw 2 emaw chauh pawh a tantir thei tihna a nih chu. Damdawi ruihtheih an kawl tlem leh tam a zirin a hremna a inang lo ta tihna a ni.
ND & PS Act an siamtha a, a chunga mi ang khian tlem te nei leh tam tak neite a hremna a danglam ta ang bawk khan, MLTP Act chang 8(1)-na pawh hi zu fun tlem te nei chin, small guantity siam ve a, a hremna pawh tihnep ve ni ta sela, tam tak sumdawnna chi commercial guantity neite erawh a hremna na thung ta sela, a tha viau lo vang maw?
Zu um khat nei leh um sangkhat nei a hremna a thuhmun reng mai hi chu a fuh tawk lo deuh chuan a lang. Dan siam pawlin ND&PS Act a siam tha ta ang bawk khan MLTP Act pawh hi siam that ni ve ta se a tha zawk mai thei a ni. An zir chiang dawn a, a zir chiangtute pawhin kan han sawi tak lai bung leh chang khi chu an hmuh hmaih hauh lo vang tih pawh a rinawm. Zu fun tlem te nei leh tam tak nei a hremna a thuhmun reng mai hi chu zir chian ngai lai niin i hre ve em le?
- KL Liana
Grape huan sawi taka zarah chuan, kan hla pakhat, Ngai rawh Lalpan a grape huanah rah seng turin min ko, Lo buh sengtute an tlem vangin, Buhte a ngui zo ta, tih hi mak in ti ve em? Grape huana buh seng tura han koh tak tlat chu, Hnahlan vela an grape huanah buh seng tur a tam hmel loh. Lalpan grape huana grape rah lova seng turin min ko ta se, a mak lo vang a, lo-ah buh seng turin min ko se a mak hek lo vang; grape huana buh seng tura min koh tlat hi mak ka ti deuh, grape khan buh a dip chhe duh awm! Nia, tun hnaia MLTP Act vanga Prohibition Council thu khawm khan Zu khapna dan chu zir chian leh deuh nise an ti, ni awm takin chanchibu lam atangin kan lo hria a, a lawmawm e. An grape tui (zawlaidi) Pu R.Thangkanglova ten Tlumtea thlir taka an thlir deuh deuh lai mekin Pu K.C.Thanga te ve thung chuan lo insum an tum hle a ang a, Pu Hnamtea pawhin insum a tum ta ve ang. Tlem lai deuh khan Pu R.Lalrinawma pawl, Law Commission-ten MLTP Act hi an lo zir nek tawhin a bung leh chang thenkhatte phei chu tlema han siam thata tihdanglam deuh te pawh an rawt ni khan a lang a. Kei ka lo 'amen' ve viau lai khan, kohhran kan rawn hmasa phawt ang, tih thu thang vel khan an rawtna chu a delh hlum ta emaw kan ti a ni lawm ni kha? Tuna an han zir chiang leh tur hi a
tha ka ti.
A vaiin sawi seng lo mah ila, thil pakhat chauh erawh han sawi ve ka duh a. MLTP Act chang 8(!)-na hi a ni. He lai chang hi zu zuar leh a kawlte an hremna ber a ni a. A awmzia chu Permit nei si lova zu zuar, kawl, phur leh zu neite chu kum nga thleng lung-ina khung theih a niin, pawisa pawh chawitir tel tur a ni a, a tlem berah thla thum tal tantir tur a nih bakah cheng sangkhat tal chawitir bawk tur a ni. Ka sawi duh ber zawka chu, a chunga MLTP Act chang 8(1)-na tak khi zir chian ngai lai ve ber tur pakhat chu niin ka ngai a, a tihdanglam emaw siam that emaw chu dan siam pawl, Legislature thu a ni thung.
Khilai chang khian zu zuar leh kawl, phurte chu hrem tur a ni ta a. Rakzu fun te hnih kawl leh motor lian, truct, TMB kan tih mai phur khat neite a hremna a inang reng hi zir chian ngai lai tak chu niin i hre ve em? Zu avangin mi pahnih man an ni a, pakhat chuan rakzu fun 100 lai mai a lo kawl a, a dang thung chuan fun te pakhat lek a kawl a, a hremna a inang ta reng mai kha tlema zir chiana tihdanglam chu a that hmel khawpin a lang. Damdawi ruihtheih, drugs kan tih, heroin te, ganja te, opium angte zuar leh kawlte hremna dan chu ND & PS Act an tih hi a ni a. Dam chhung tantir theih a nih bakah a tlem berah kum 10 tal tantir bakah cheng nuaikhat tal chawitir tur a ni bawk a. Chu chu khawngaihna sâng ber a ni. Kum eng emaw zat kha dan kha hman a nih hnuah sawrkar chuan tlem te nei leh tam tak nei hremna a inang reng mai chu dikin a hre ta lo va, an siam tha nghe nghe a ni. Zing atang thawk leh chawhnu atanga thawk duli hlawhtir vek ang deuh a ni awm e.
Tichuan, mahni hman atan tlemte nei, grams 5 hnuai lam heroin kawl te chu thla ruk thlenga tantir theiha hrem emaw pawisa chawitir tel bawka hrem emaw, lung-ina khung kher lova chawitir ringawt pawha hrem theih turin siam that a ni ta a. Chutiang chu ‘small guantity’ an ti a. Tin, tam tham tak, sumdawnna tur a ni tih chiang (commercial guantity) nei, grams 250 chin ang chu kum 10 tan bakah nuai khat tal chawi bawka hremna kha a la pangngai a. Tlem te nei leh sumdawnna chi nei inkar, grams 5 aia tam si, 250 aia tlem si neite erawh chu kum sawm thleng tantir theih a ni thung a, a awmzia chu kum 10 aia tam tan theih loh a niin Court-in kum 1 emaw 2 emaw chauh pawh a tantir thei tihna a nih chu. Damdawi ruihtheih an kawl tlem leh tam a zirin a hremna a inang lo ta tihna a ni.
ND & PS Act an siamtha a, a chunga mi ang khian tlem te nei leh tam tak neite a hremna a danglam ta ang bawk khan, MLTP Act chang 8(1)-na pawh hi zu fun tlem te nei chin, small guantity siam ve a, a hremna pawh tihnep ve ni ta sela, tam tak sumdawnna chi commercial guantity neite erawh a hremna na thung ta sela, a tha viau lo vang maw?
Zu um khat nei leh um sangkhat nei a hremna a thuhmun reng mai hi chu a fuh tawk lo deuh chuan a lang. Dan siam pawlin ND&PS Act a siam tha ta ang bawk khan MLTP Act pawh hi siam that ni ve ta se a tha zawk mai thei a ni. An zir chiang dawn a, a zir chiangtute pawhin kan han sawi tak lai bung leh chang khi chu an hmuh hmaih hauh lo vang tih pawh a rinawm. Zu fun tlem te nei leh tam tak nei a hremna a thuhmun reng mai hi chu zir chian ngai lai niin i hre ve em le?
- KL Liana
Post a Comment