Vanglaini Ni 18/08/2010 (Nilaini) a 33% Women Reservation chungchang "Aizawl Nula" intiin a rawn ziah kha ka lo chhiar ve a. Municipal hnuaia Women Reservation chungchang a hriat fiah loh avangin thudik mipuite hnena puanchhuah vat tulin ka hria a ni.
Aizawl Municipal Act a awm lova, The Mizoram Municipalities Act, 2007 tih zawk tur a ni. He Act-ah hian a tirah chuan Women Reservation a lang lova, amaherawhchu, 74th Constitutional Amendment Act, 1992 (74th CCA) in a phut tlat angin he Act Amendment 2009-ah hian Section 13 (9) ah seat zawng zawng hmun thuma thena hmun khat chu hmeichhe tan reserved a ni ta a ni. He Women Reservation hi Municipal tam berin an lo hmang daih tawh a, India ramah a hmang hnuhnung ber pawl kan ni dawn zawk a ni. India sawrkarin a buaipui mek Women Reservation, Rajya Sabha-in an passed tawh, Lok Sabha-a la pass loh nen hian ngaih pawlh loh tur a ni. He reservation hi chu Parliament leh State Legislature atan a ni. Municipal atana 1/3rd reservation for Women tih hi chu 1992 ah daih tawh khan Parliament In hnihah passed lo ni tawhin, Municipal Corporation/ Council-ah hman vek tawh zawk a ni.
Aizawl Municipal Act a awm lova, The Mizoram Municipalities Act, 2007 tih zawk tur a ni. He Act-ah hian a tirah chuan Women Reservation a lang lova, amaherawhchu, 74th Constitutional Amendment Act, 1992 (74th CCA) in a phut tlat angin he Act Amendment 2009-ah hian Section 13 (9) ah seat zawng zawng hmun thuma thena hmun khat chu hmeichhe tan reserved a ni ta a ni. He Women Reservation hi Municipal tam berin an lo hmang daih tawh a, India ramah a hmang hnuhnung ber pawl kan ni dawn zawk a ni. India sawrkarin a buaipui mek Women Reservation, Rajya Sabha-in an passed tawh, Lok Sabha-a la pass loh nen hian ngaih pawlh loh tur a ni. He reservation hi chu Parliament leh State Legislature atan a ni. Municipal atana 1/3rd reservation for Women tih hi chu 1992 ah daih tawh khan Parliament In hnihah passed lo ni tawhin, Municipal Corporation/ Council-ah hman vek tawh zawk a ni.
He Women Reservation hi Municipal Election-ah chauh lo pawh Municipal thenkhat chuan elected post-ah pawh an hmang niin a lang. Entirnan, Punjab khawpui, Haryana khawpui ni bawk leh amaha UT ni bawk, Chandigarh Municipal Corporation-ah chuan Mayor kum nga(5) term khu kum tin an inthlak ziah a. A kum khatna leh kum lina chu hmeichhe tan reserved a ni a. A kum thumna leh kum ngana chu ST/SC chanpual niin, a kum thumna chauh General category pual a ni. Mumbai Municipal Corporation-ah pawh khuan tuna an Mayor leh Deputy Mayor ni mek khu hmeichhia ve ve an ni. Kan thenawm Assam chhunga khawpui thenkhata Municipal Board Chairperson-ah pawh hmeichhia an awm ve fo bawk.
"Aizawl Nula" inti hian hmeichhiate hi mipa aiin sitawm zawk turah a dah niin a lang a, a dikna chea pawh a awm mahna. Amaherawhchu, khawvel hmun hrang hrangah leh India ram ngei-ah pawh hmeichhe hruaitu ropui tak tak an tam tih chu tuman kan hai lovang. Kan hmeichhiate zingah lehkha thiam tak tak leh fel tak tak, mipa aia harhvang leh vengva an tam hle. Hengho hian ram hruai leh mipuite rawngbawl lamah an ngaihtuahna an la hmang ngai lo mai niin a lang. Kan hnung deuhah khan Kolkata leh Delhi inkarah tum hnih ngawt Mamata Banerjee rualin ka thlawk ve hlauh mai a, Airport chhungah leh thlawhna a luh dawn/chhuah hnu pawhin mipui nawlpui zingah vek a khawsa a. VIP treatment a duh reng reng lo. A chapal leh saree man tlawm tak leh vai iptepui a kokiah batin bus-ah kan ding ho mai a ni. Mahse, West Bengal leh Kolkata khawpuiah chuan naupang te te pawhin hre lo an awm lo! Chuvangin Mizo hmeichhiate hi an duai bik lovang tih ka ring tlat a, kan hmabak Municipal inthlanaah pawh hian rawn pen chhuak ve tawh teh u. India ramah hian kan President-te, UPA Chairperson te, Lok Sabha Speaker te, Central Ministry-ah hmeichhia engemaw zat te leh state sawrkar hrang hranga hmeichhe hruaitu heti zo zai an awm lai hian Mizo hmeichhiate khawiah nge in awm le? Garo nula pawh Central Minister a nih theih a, Naga nula pawh Kohima Municipal Council-ah open seat atanga thlan tlin a nih theih lai hian Mizo hmeichhia harhin tho rawh ule.
Post a Comment