Tlumtea thlir taka kan thlir thin, engtikah nge kan Mizoram sorkar hian Decentralisation of Power hi a hman thiam ve ang aw ..... kan tih a, kum 15 tal tap kan lo nawr tawh chu, tunah a taka hman tura chhawp a lo ni ta hi, kan lawm takzet a, Aizawl mipuite kan lawmpui che u a ni.
He India Constitution 74th Amendment phei hi chu Option awm hauh lo, 1993 atanga hman tawh tur kha a ni a, kum 20 dawn lai chu kan khawtlai a. Kan sawi mawi hluai thin a, sorkarna kan lak chuan kan thuneihna semzai lam chu kan ui leh hle a ni. Amah kan Minister zahawmtak, Pu Lalsawta thuhla takin, "Pa berin nu eirawngbawlna tur hmun choka kha endikin rel sela, aieng thlak zat tur, chi al zat tur, chhum tur relsak vek sela, nuber tan a buaithlakin inchhungkhur rorel a buai ngei ang. New York Trade Centre tihchhiat a nih khan, USA President George Bush a lang tam lo, New York Mayor-in a tifel mai a ni," a tih thin ang a ni a. Centralisation of Power hi a nih dan tur emaw kan ti a, Aizawl khawpuiah kan buai tawk hle thin a. State Minister meuh khan Aizawl khawchhung kan bih kual a, culvert hnuai kan bih a, bawlhhlawh leh hnawk paih dan tur kan rel a, leimin leh in chhia kan buaipui a. Tunah chuan Municipal Council-in a tifel vek tawh ang a, State Minister tan thachhang dawltu, phur chhawktu tha tak an nih kan beisei. Thuchah
He Local Self-Government (Municipal Council) hi Mizoram tan thil thar, rahbi thar chuankaina a ni dawn a. Municipal Council chhe tak, chiri tak, thuneihna nei mang lo, a nih chuan, a nih tur ang thlap ni tura hun rei beih a ngaih bakah, District khawpui dangte entawn tur a la nih dawn avangin, uluk taka din a ngai a ni. A hmasa ber hi a that chuan a dang pawh a tha zel dawn. A hmasa ber hi a lem deuh, ti riai ruai a nih chuan Municipal Board la ding tur tan pawh an chhiat phah vek ang. Chuvangin, a chelhtu tur kha India Constitution-in a duh dan leh state dang danga an tih that leh tih chhiat dan hre chiangtu an nih a ngai dawn a. Uluk taka din tur leh, fimkhur taka ngaihtuahin Aizawl mipuite infinna leh hriatthiamna a ngai a ni.
A thuneihna
Tunhma Municipal Council, Directive Principles hnuaia state sorkarin duh duha a sawp, thuneihna leh sum-pai a pek mai mai ang kha a ni tawh lova, 73rd & 74th Constitution Amendment chuan Constitutional Rights and Safeguards a pe thlap a. 12th Schedule-ah Subjects 18 thuneihna a pe a. Chu chu state sorkarin pe phal ta lo sela, Court-a khin theihna Power a pe a. Mizoram Municipal Act khan heng Constitution Amendment conform-in Act a duang ta a. 'Capacity to sue and be sued in its corporate name' kha a hmang thei ta a ni.
Entirnan - Panchayati Raj Update Journal kan chhiar chuan, state tam takin District Council hnenah DRDA Office pawh an pe phal lova. Supreme Court-ah an khing a, 'Thla khat chhungin pe rawh u,' an tih kan hmu nual a ni. Chutiang chuan hna tha thawk tak tak thei turin an thuneihna kha state sorkar chuan a pe tur a ni a; a pek loh chuan Court-ah an khing mai tur a ni.
Hetiang a nih avang hian Ruling Party hnuaia Local Self-Government te chuan an Puchuamte thu thu-in hna an thawk a, state sorkar direction ang zela an thawh mai mai avangin he Local Self Govt. te hi 'thil mai maiah' miten an ngai duh hle. An pute chu Court-ah an khing ngam si lova, Constitutional safeguards ropui tak an neih pawhin awmzia a nei ta lo a ni.
Pahnihnaah chuan, he 74th Constitution Amendment hi a sângin a ropui. "Capacity to enter into contract in its corporate name" tih thuneihna kha a pe a. Kha kha Man Mohan Singh-a Economic policy, 'Economic Liberation' tihpuitlinna tur zela duan a ni a. Municipality khan eng Corporation nen emaw inremin 'sum hnar' a insiam thei ta a. State sorkarin a tih loh, emaw, tih nachang a hriat loh emaw, industries leh sumdawnna thil te an buatsaih thei a. Chutiang thilah chuan state sorkar khan hmingchhiat leh vote hloh hlauvin an dang thin a. Chuvang chuan Constitutional Safeguards an neih kha 'tih makmawh' ah India sorkar chuan a ngai a ni.
Fapa inrawngkhawr thar, mahni inhaivur ve thei, anga cheibawlin Economic Development a kawk ruah reng a ni. Tih tak emah chuan, kan Minister ni laite aia chinchang hre zawk, thiam zawk, fel zawk hi an tam hle dawn tih hriat a tha ang.
Election thu
India sorkar duh dan chuan Local Self Govt. te inthlanna hi Party-base a tih loh hram nise, tih a ni a. Chuvang chuan V/C kan thlan pawhin party symbol kan hmang ta lova. Municipal Council hi eng symbol hmangin nge SEC hian a rel dawn tih kan la hre lo.
Amaherawhchu inthlang ram kan ni a, party zawngin kan kal ru lo thei lova. V/C ah pawh line-up ang deuhvin Party-in kan inbei tho mai. Municipal Institution te pawh hi kan kal hmel a. Mipui lamin eng Party nge tha ang, a tu-a-te nge hna thawk thei ang, tih kan ngaihtuah ang a, fing taka kan vote mai a tha dawn a nih hi. Engpawhnise, Democracy chu rule of law a ni a, Dan angin an thawk ang a, tunge dan kengkawh fel thei ang, tih kha a pawimawh chu a ni ta a ni. Ruling Party nih avangin Dan pel emaw Dan hmang ngam lo emaw a nih chuan a tha chuang lovang.
Mizoram Municipal Act thlirna
1. Designation : Ward aiawh kan thlante kha Councillors an ni ang a, mahse a lu ber tur kha 'Chairman' a ti heh mai. Mi state chuan 'Chief Councillor' an ti a. Engvanga Chairman ti daih nge ni ang tih leh Chief tih chu ui ta em em nge an nih tih kha chhut tham fe a awm.
2. Ward Committee : Ward Committee kan han thlang leh ang a. A lu ber chu khami Ward-a Councillor kha a ni ang, a ti leh flat mai a. Hei hi chuan buaina a chawk chhuak tam awm mang e, ngaihtuah tham a awm.
3. Co-opted members : 2007 Act duan khan, Technical Men te, Prominent Citizens te kha coopted members atan a ruat a. Bialtu MLA leh MP a hmaih a, kha kha chu a hleihluak deuh a. Dan tlangpuiin Bialtu MLA leh MP te chu an tel ngei thin.
2009 Amendment khan khing Techical Men leh Prominent Citizens sawm theih kha a paih leh vek thung a, Bialtu MLA te leh MP te chauh a ruat ve leh a. Hei pawh hi a hleihhluak lu deuh. Assembly anga ngaih tur a ni lova, Local Self-Govt. mai an ni a. Technical thil ngaihtuah dawn chuan Technical Men te thurawn a ngai ngei thin. Mi state chuan an telh a.
Tin, mi state MLA Constituency then ang lovin kan ram chuan khawpui then la-in thingtlang lamah kan zar pharh chiam mai a. Khawpui MLA nih leh thingtlang MLA nih an kawp a. Khawpui MLA an tam tlurh mai. Heng zawng zawng hi Co-opted Members an nih chuan rorelna an chawk buai thei ngei ang a. Sitting khata sawm theih zat bituk a tha ngawt ang.
Engpawhnise, Amendment a siam chhawm theih zel ang a, tuna mi hi han hmang chhin phawt mai teh ang hmiang.
Decentralisation dangte pawh
Mizoram Municipal Act. Amendment 2009, chuan Transitional Area atan mipui 10,000 a ti a. Hei hian District Headquarters te hmakhua a duang ni awm tak a ni. Chuvangin 2011-ah chuan he Municipality hi District khawpui lian deuh deuhvah chuan a siam ngei beisei ila. Tunhma angin inthlan dawn hamthat nana Postpone khawtlai mai mai tawh lovin.
Thingtlang lam
Khawpui lam kan chingfel a nih chuan engahnge Mizoram mipui tho, thingtlang lam mite hamthatna tur kan la dan reng bik ang. New Panchayati Raj System hian kal ila, thingtlang lam pawhin hma an sawn duak duak ang a, sum leh hmasawnna a kai rual ang a, duhsak bik khua a awm thei lovang a. Equitable Distribution of Income a awm ang a, justice (rorelna fel) a awm ang a, change (intihdanglamna) a awm dawn alawm. Asish Gandhi, Adviser to Union Minister, i/c Panchayati Raj, kan kawm a, "Mizoram hian he New Panchayati Raj System hi in hman loh avangin thingtlang mite hamthatna chi nga (5) in hloh a ni" min tih tum chuan rilru a na duh hle. Thingtlang lamte pawh hi i hrek rei lo teh ang u, i bum kual rei lutuk tawh lo teh ang u, tiin kan ngen nghal bawk che u a ni.
- F.Zothuama
Director, Mizoram
Reformation Forum
Lunglei
He India Constitution 74th Amendment phei hi chu Option awm hauh lo, 1993 atanga hman tawh tur kha a ni a, kum 20 dawn lai chu kan khawtlai a. Kan sawi mawi hluai thin a, sorkarna kan lak chuan kan thuneihna semzai lam chu kan ui leh hle a ni. Amah kan Minister zahawmtak, Pu Lalsawta thuhla takin, "Pa berin nu eirawngbawlna tur hmun choka kha endikin rel sela, aieng thlak zat tur, chi al zat tur, chhum tur relsak vek sela, nuber tan a buaithlakin inchhungkhur rorel a buai ngei ang. New York Trade Centre tihchhiat a nih khan, USA President George Bush a lang tam lo, New York Mayor-in a tifel mai a ni," a tih thin ang a ni a. Centralisation of Power hi a nih dan tur emaw kan ti a, Aizawl khawpuiah kan buai tawk hle thin a. State Minister meuh khan Aizawl khawchhung kan bih kual a, culvert hnuai kan bih a, bawlhhlawh leh hnawk paih dan tur kan rel a, leimin leh in chhia kan buaipui a. Tunah chuan Municipal Council-in a tifel vek tawh ang a, State Minister tan thachhang dawltu, phur chhawktu tha tak an nih kan beisei. Thuchah
He Local Self-Government (Municipal Council) hi Mizoram tan thil thar, rahbi thar chuankaina a ni dawn a. Municipal Council chhe tak, chiri tak, thuneihna nei mang lo, a nih chuan, a nih tur ang thlap ni tura hun rei beih a ngaih bakah, District khawpui dangte entawn tur a la nih dawn avangin, uluk taka din a ngai a ni. A hmasa ber hi a that chuan a dang pawh a tha zel dawn. A hmasa ber hi a lem deuh, ti riai ruai a nih chuan Municipal Board la ding tur tan pawh an chhiat phah vek ang. Chuvangin, a chelhtu tur kha India Constitution-in a duh dan leh state dang danga an tih that leh tih chhiat dan hre chiangtu an nih a ngai dawn a. Uluk taka din tur leh, fimkhur taka ngaihtuahin Aizawl mipuite infinna leh hriatthiamna a ngai a ni.
A thuneihna
Tunhma Municipal Council, Directive Principles hnuaia state sorkarin duh duha a sawp, thuneihna leh sum-pai a pek mai mai ang kha a ni tawh lova, 73rd & 74th Constitution Amendment chuan Constitutional Rights and Safeguards a pe thlap a. 12th Schedule-ah Subjects 18 thuneihna a pe a. Chu chu state sorkarin pe phal ta lo sela, Court-a khin theihna Power a pe a. Mizoram Municipal Act khan heng Constitution Amendment conform-in Act a duang ta a. 'Capacity to sue and be sued in its corporate name' kha a hmang thei ta a ni.
Entirnan - Panchayati Raj Update Journal kan chhiar chuan, state tam takin District Council hnenah DRDA Office pawh an pe phal lova. Supreme Court-ah an khing a, 'Thla khat chhungin pe rawh u,' an tih kan hmu nual a ni. Chutiang chuan hna tha thawk tak tak thei turin an thuneihna kha state sorkar chuan a pe tur a ni a; a pek loh chuan Court-ah an khing mai tur a ni.
Hetiang a nih avang hian Ruling Party hnuaia Local Self-Government te chuan an Puchuamte thu thu-in hna an thawk a, state sorkar direction ang zela an thawh mai mai avangin he Local Self Govt. te hi 'thil mai maiah' miten an ngai duh hle. An pute chu Court-ah an khing ngam si lova, Constitutional safeguards ropui tak an neih pawhin awmzia a nei ta lo a ni.
Pahnihnaah chuan, he 74th Constitution Amendment hi a sângin a ropui. "Capacity to enter into contract in its corporate name" tih thuneihna kha a pe a. Kha kha Man Mohan Singh-a Economic policy, 'Economic Liberation' tihpuitlinna tur zela duan a ni a. Municipality khan eng Corporation nen emaw inremin 'sum hnar' a insiam thei ta a. State sorkarin a tih loh, emaw, tih nachang a hriat loh emaw, industries leh sumdawnna thil te an buatsaih thei a. Chutiang thilah chuan state sorkar khan hmingchhiat leh vote hloh hlauvin an dang thin a. Chuvang chuan Constitutional Safeguards an neih kha 'tih makmawh' ah India sorkar chuan a ngai a ni.
Fapa inrawngkhawr thar, mahni inhaivur ve thei, anga cheibawlin Economic Development a kawk ruah reng a ni. Tih tak emah chuan, kan Minister ni laite aia chinchang hre zawk, thiam zawk, fel zawk hi an tam hle dawn tih hriat a tha ang.
Election thu
India sorkar duh dan chuan Local Self Govt. te inthlanna hi Party-base a tih loh hram nise, tih a ni a. Chuvang chuan V/C kan thlan pawhin party symbol kan hmang ta lova. Municipal Council hi eng symbol hmangin nge SEC hian a rel dawn tih kan la hre lo.
Amaherawhchu inthlang ram kan ni a, party zawngin kan kal ru lo thei lova. V/C ah pawh line-up ang deuhvin Party-in kan inbei tho mai. Municipal Institution te pawh hi kan kal hmel a. Mipui lamin eng Party nge tha ang, a tu-a-te nge hna thawk thei ang, tih kan ngaihtuah ang a, fing taka kan vote mai a tha dawn a nih hi. Engpawhnise, Democracy chu rule of law a ni a, Dan angin an thawk ang a, tunge dan kengkawh fel thei ang, tih kha a pawimawh chu a ni ta a ni. Ruling Party nih avangin Dan pel emaw Dan hmang ngam lo emaw a nih chuan a tha chuang lovang.
Mizoram Municipal Act thlirna
1. Designation : Ward aiawh kan thlante kha Councillors an ni ang a, mahse a lu ber tur kha 'Chairman' a ti heh mai. Mi state chuan 'Chief Councillor' an ti a. Engvanga Chairman ti daih nge ni ang tih leh Chief tih chu ui ta em em nge an nih tih kha chhut tham fe a awm.
2. Ward Committee : Ward Committee kan han thlang leh ang a. A lu ber chu khami Ward-a Councillor kha a ni ang, a ti leh flat mai a. Hei hi chuan buaina a chawk chhuak tam awm mang e, ngaihtuah tham a awm.
3. Co-opted members : 2007 Act duan khan, Technical Men te, Prominent Citizens te kha coopted members atan a ruat a. Bialtu MLA leh MP a hmaih a, kha kha chu a hleihluak deuh a. Dan tlangpuiin Bialtu MLA leh MP te chu an tel ngei thin.
2009 Amendment khan khing Techical Men leh Prominent Citizens sawm theih kha a paih leh vek thung a, Bialtu MLA te leh MP te chauh a ruat ve leh a. Hei pawh hi a hleihhluak lu deuh. Assembly anga ngaih tur a ni lova, Local Self-Govt. mai an ni a. Technical thil ngaihtuah dawn chuan Technical Men te thurawn a ngai ngei thin. Mi state chuan an telh a.
Tin, mi state MLA Constituency then ang lovin kan ram chuan khawpui then la-in thingtlang lamah kan zar pharh chiam mai a. Khawpui MLA nih leh thingtlang MLA nih an kawp a. Khawpui MLA an tam tlurh mai. Heng zawng zawng hi Co-opted Members an nih chuan rorelna an chawk buai thei ngei ang a. Sitting khata sawm theih zat bituk a tha ngawt ang.
Engpawhnise, Amendment a siam chhawm theih zel ang a, tuna mi hi han hmang chhin phawt mai teh ang hmiang.
Decentralisation dangte pawh
Mizoram Municipal Act. Amendment 2009, chuan Transitional Area atan mipui 10,000 a ti a. Hei hian District Headquarters te hmakhua a duang ni awm tak a ni. Chuvangin 2011-ah chuan he Municipality hi District khawpui lian deuh deuhvah chuan a siam ngei beisei ila. Tunhma angin inthlan dawn hamthat nana Postpone khawtlai mai mai tawh lovin.
Thingtlang lam
Khawpui lam kan chingfel a nih chuan engahnge Mizoram mipui tho, thingtlang lam mite hamthatna tur kan la dan reng bik ang. New Panchayati Raj System hian kal ila, thingtlang lam pawhin hma an sawn duak duak ang a, sum leh hmasawnna a kai rual ang a, duhsak bik khua a awm thei lovang a. Equitable Distribution of Income a awm ang a, justice (rorelna fel) a awm ang a, change (intihdanglamna) a awm dawn alawm. Asish Gandhi, Adviser to Union Minister, i/c Panchayati Raj, kan kawm a, "Mizoram hian he New Panchayati Raj System hi in hman loh avangin thingtlang mite hamthatna chi nga (5) in hloh a ni" min tih tum chuan rilru a na duh hle. Thingtlang lamte pawh hi i hrek rei lo teh ang u, i bum kual rei lutuk tawh lo teh ang u, tiin kan ngen nghal bawk che u a ni.
- F.Zothuama
Director, Mizoram
Reformation Forum
Lunglei
Post a Comment