Aizawl Municipal Council i din ang le
1. Ka tan chuan Aizawl hi khawvela khaw pawimawh ber a ni. Kei leh ka chhungte chenna khua ‘home’ a ni. Ka tu leh fate tan an inpui awmna a nih avangin an tan pawh a pawimawh. Keini chhungkua tan chuan Aizawl hi New Delhi, London, New York te aiin a pawimawh. Mizoram state capital a ni a, Zoram inrelbawlna zawng zawng awmna khua hi a pawimawh a ni.
2. Hetiang khawpa pawimawh hi khawpui enkawlin kan enkawl loh avangin tunah hian harsatna tam tak kan tawk mek. India ram leh ram dangin khawpui an enkawl ang deuhin hman atang khan lo enkawl ila chuan tuna harsatna tam tak hi kan pumpelh a rinawm. Tunah hian dil nachang pawh kan hriat lem loh Central-in Municipality din theihna min pe ta a. Ka hriat tirhah lawm nachang pawh ka hriat lem loh ka han ngaihtuah chiang a, Aizawl enkawl tur bik Municipal Council kan han nei tur hi a lawmawmzia ka hre ta. Aizawl mi zawng zawng rorelna khawl kan nei dawn ta. Counselor 19 kan thlan tur zingah hmeichhe tan bik seat 6 lai a awm dawn hi a va lawmawm lehzual em. Chhungkaw inrelbawl nana pawimawh tui, ei leh bar lam ngaihtuah te mipa aiin hmeichhia-in an ti tam zawk a, India sawrkar phei chuan a reltu hmeichhia tel ve ngei hi a finthlakin an hria.
3. Aizawl Municipal Council hi Aizawl khawpui enkawltu tur a ni a, hna dang thawk lovin Aizawl khaw hna chauh thawk tur an ni. Tuna sawrkar Department thenkhatin an hna dang pawimawh khawih chunga Aizawl khaw hna an thawh ai chuan a thawktu bik an awm hian Aizawl khua-in kan that phah zawk ngei a beiseiawm.
4. Aizawl Municipal Council a lo pian hian a bul tan fuh a pawimawh em em. An hnathawh tur leh an mawhphurhna tur tam fe hi sawrkar Department hrang hrangin an la enkawl rih a. A tahtawla Aizawl Municipal Council hnena la hlan tur an ni. Hmanhmawh lem loh pawh a finthlak zawk maithei. State sawrkar hian rilru zau tak pu a, pa chan a chan thiam a pawimawh hle ang. Fapa indang tur duat em ema kan indan tir ang hi state sawrkar tihdan tur ni se a duhawm hle ang. Aizawl Municipal Council pawh piang hlim, la puitling lo an nih inhriatthiam a pawimawh hle bawk ang. Hnathawh tur duham lutuk a hlauhawm, mahni hna zawh tawk tur hriatthiam a tul.
5. Aizawl Municipal Council ding thar tana tul hmasa ber chu Aizawl Municipal Council ruangam thawktu inremfel that a ni ang. Counselor fel tak tak kan thlan turte hian thawhpuitu tur Officer leh Staff an mamawh nghal a. Pawl thar, hna thar leh kalphung thar hi zir ve deuh a tul dawn. Aizawl Municipal Council hi sawrkar ang deuh, ni chiah si lo, dang ve deuh a ni dawn a, rem fel tur tam tak a awm dawn a ni. Mithar hlir ai chuan sawrkara experience rei deuh lo nei tawhten Aizawl Municipal Council thar hi enkawl se a fuh maithei. State sawrkar puihna leh Co-operation tha tak nei thei tura awm thiam pawh a tul ang.
6. Municipality hi Mizo tan thil thar a la nih avangin mipui tan pawh zir tur tam tak a awm. Sawrkar Grant-in-aid an hmuh tur hi Aizawl Municipal Council thil tul zawng zawng senso tur daih a tling dawn lova, Municipal Council hian an khua leh tui atanga lak luh ve tur an mamawh dawn a ni. Municipal Council tha taka enkawl thei tur chuan mitin, in tinin Municipal a theh luh ve kan ba dawn a ni. Mihring puitlingin chhungkaw tan a thawh ve a tul ang bawkin chhung tinin Municipality-ah hian sum kan pek ve a tul ang. Hei hi hnam changkang inenkawl dan a ni. Kum 1986 Mizoram state kan nih atanga chhut chuan state puitling anga intodelh lam pan rual kan ni ve tawh. Aizawl Municipal Council atang hian mahnia din kan zir tan dawn a ni pawhin a lang.
7. Aizawl hi kan khua, Mizo inpui, State Capital sawrkar nghahna a ni. Mi khaw than rualin kan thang tawh lova, rual kan awt ve si, khawpui danga thil awm ang kan duh ve si. Mi khawpui te aia tha a nih loh pawhin an tlukpui tal nise kan duh theuh awm e. Tunah hian Central sawrkarin Jawaharlal Nehru National Urban Renewal Mission (JNNURM) khawpui tam tak enkawlna sum a ruahman Aizawl tan pawh tam tham tak min pe ve a. Asian Development Bank loan Aizawl Water Supply, Sewerage leh Solid Waste Management siam nan min puk sak bawk a ni. Aizawl cheina tur sum kan neih hi thil tha neihna tham a ni.
Khaw enkawltu mi neih ang Aizawl Municipal Council kan nei dawn ta. He Council hi Aizawl mipui ta, kan hnathawktu tur leh enkawltu tur a ni. A that leh that lohah Mizo, a bikin Aizawla chengten mawh kan phur thui hle. Mizo hi mahni inrelbawl thiam ve tak kan ni a, Aizawl Municipal lo piang tur pawh hi rilru zau tak nen lo hmuak ila Municipality tha tak Aizawlin kan nei thei ngei ang.
- Dunglena
2. Hetiang khawpa pawimawh hi khawpui enkawlin kan enkawl loh avangin tunah hian harsatna tam tak kan tawk mek. India ram leh ram dangin khawpui an enkawl ang deuhin hman atang khan lo enkawl ila chuan tuna harsatna tam tak hi kan pumpelh a rinawm. Tunah hian dil nachang pawh kan hriat lem loh Central-in Municipality din theihna min pe ta a. Ka hriat tirhah lawm nachang pawh ka hriat lem loh ka han ngaihtuah chiang a, Aizawl enkawl tur bik Municipal Council kan han nei tur hi a lawmawmzia ka hre ta. Aizawl mi zawng zawng rorelna khawl kan nei dawn ta. Counselor 19 kan thlan tur zingah hmeichhe tan bik seat 6 lai a awm dawn hi a va lawmawm lehzual em. Chhungkaw inrelbawl nana pawimawh tui, ei leh bar lam ngaihtuah te mipa aiin hmeichhia-in an ti tam zawk a, India sawrkar phei chuan a reltu hmeichhia tel ve ngei hi a finthlakin an hria.
3. Aizawl Municipal Council hi Aizawl khawpui enkawltu tur a ni a, hna dang thawk lovin Aizawl khaw hna chauh thawk tur an ni. Tuna sawrkar Department thenkhatin an hna dang pawimawh khawih chunga Aizawl khaw hna an thawh ai chuan a thawktu bik an awm hian Aizawl khua-in kan that phah zawk ngei a beiseiawm.
4. Aizawl Municipal Council a lo pian hian a bul tan fuh a pawimawh em em. An hnathawh tur leh an mawhphurhna tur tam fe hi sawrkar Department hrang hrangin an la enkawl rih a. A tahtawla Aizawl Municipal Council hnena la hlan tur an ni. Hmanhmawh lem loh pawh a finthlak zawk maithei. State sawrkar hian rilru zau tak pu a, pa chan a chan thiam a pawimawh hle ang. Fapa indang tur duat em ema kan indan tir ang hi state sawrkar tihdan tur ni se a duhawm hle ang. Aizawl Municipal Council pawh piang hlim, la puitling lo an nih inhriatthiam a pawimawh hle bawk ang. Hnathawh tur duham lutuk a hlauhawm, mahni hna zawh tawk tur hriatthiam a tul.
5. Aizawl Municipal Council ding thar tana tul hmasa ber chu Aizawl Municipal Council ruangam thawktu inremfel that a ni ang. Counselor fel tak tak kan thlan turte hian thawhpuitu tur Officer leh Staff an mamawh nghal a. Pawl thar, hna thar leh kalphung thar hi zir ve deuh a tul dawn. Aizawl Municipal Council hi sawrkar ang deuh, ni chiah si lo, dang ve deuh a ni dawn a, rem fel tur tam tak a awm dawn a ni. Mithar hlir ai chuan sawrkara experience rei deuh lo nei tawhten Aizawl Municipal Council thar hi enkawl se a fuh maithei. State sawrkar puihna leh Co-operation tha tak nei thei tura awm thiam pawh a tul ang.
6. Municipality hi Mizo tan thil thar a la nih avangin mipui tan pawh zir tur tam tak a awm. Sawrkar Grant-in-aid an hmuh tur hi Aizawl Municipal Council thil tul zawng zawng senso tur daih a tling dawn lova, Municipal Council hian an khua leh tui atanga lak luh ve tur an mamawh dawn a ni. Municipal Council tha taka enkawl thei tur chuan mitin, in tinin Municipal a theh luh ve kan ba dawn a ni. Mihring puitlingin chhungkaw tan a thawh ve a tul ang bawkin chhung tinin Municipality-ah hian sum kan pek ve a tul ang. Hei hi hnam changkang inenkawl dan a ni. Kum 1986 Mizoram state kan nih atanga chhut chuan state puitling anga intodelh lam pan rual kan ni ve tawh. Aizawl Municipal Council atang hian mahnia din kan zir tan dawn a ni pawhin a lang.
7. Aizawl hi kan khua, Mizo inpui, State Capital sawrkar nghahna a ni. Mi khaw than rualin kan thang tawh lova, rual kan awt ve si, khawpui danga thil awm ang kan duh ve si. Mi khawpui te aia tha a nih loh pawhin an tlukpui tal nise kan duh theuh awm e. Tunah hian Central sawrkarin Jawaharlal Nehru National Urban Renewal Mission (JNNURM) khawpui tam tak enkawlna sum a ruahman Aizawl tan pawh tam tham tak min pe ve a. Asian Development Bank loan Aizawl Water Supply, Sewerage leh Solid Waste Management siam nan min puk sak bawk a ni. Aizawl cheina tur sum kan neih hi thil tha neihna tham a ni.
Khaw enkawltu mi neih ang Aizawl Municipal Council kan nei dawn ta. He Council hi Aizawl mipui ta, kan hnathawktu tur leh enkawltu tur a ni. A that leh that lohah Mizo, a bikin Aizawla chengten mawh kan phur thui hle. Mizo hi mahni inrelbawl thiam ve tak kan ni a, Aizawl Municipal lo piang tur pawh hi rilru zau tak nen lo hmuak ila Municipality tha tak Aizawlin kan nei thei ngei ang.
- Dunglena
Post a Comment